ISANG LINGGO ang nakalipas mula ng komprotahin siya ng binata. Pakiramdam ni Cristina mas naging matulin sa kanya ang paglipas ng mga araw. At mas lalong umusad ’yon nang malaman niyang buntis siya. Naging malungkutin lang siya dahil hindi pa rin sila nakakapag-usap ng binata. Kapag lumalapit siya rito, lumalayo naman si Michael. Na para bang may nakakahawa siyang sakit. Kaya tuloy hindi niya masabi-sabi ang kalagayan rito. Tulad lang ngayong araw matapos magsuka ng suka. Hinahanap naman ng kanyang katawan ang amoy ng binata. Hindi na niya maintindihan ang sarili, kung ano talaga ang gusto. Nang isang araw naging ayos naman ang lahat sa kanya. Makita lang niya ito, masaya na siya. Ngayon naman gustong-gusto niya itong yakapin at amoy-amoyin. At mukhang pinaglilihian pa ’ata niya si Michael
