Walang MK na dumating sa opisina kinabukasan. Inip na inip si Tina sa pagdating ng change shift nila ni Ems. Excited siya na makalabas ng trabaho at may nakaplano pa siyang gagawin sa bahay ni MK. Dumaan siya sa palengke at bumili ng lulutuing ulam. Inalam niya muna sa driver nito kung nasaan ito kaya malaya niyang magagawa ang kanyang mga plano.
Pakanta-kanta pa si Tina habang nagliligpit ng kalat niya sa kusina ni MK. Katatapos lang niya magluto. Steamed Dorry fish with Hollandaise sauce at ang specialty ng kanyang ina na Tinilmok ang kanyang inihanda. Matapos maigayak ang mesa ay inamoy-amoy ang sarili. Medyo maasim na siya at kailangan niyang mag-shower at mag-toothbrush. Natukso siyang gamitin ang banyo ni MK. Larawan ito ng karangyaan. Puti ang mga tiles at may all-glass enclosed s
