"Ah, siya po si Nicholas, Inay. Anak po ng boss ko," pagpapakilala niya sa binata.
"Mano po, Inay!" sabi nito sabay mano sa inay niya.
"Anong Inay ka riyan? Merly ang pangalan niya," pagmamataray niyang sabi rito. Nagulat pa siya sa tawag nito sa kaniyang Nanay Merly.
"Naku, walang problema, anak. Kaawaan ka sana," nakangiting sabi ng kaniyang inay kay Nicholas ngunit inirapan niya ito.
"Pumasok muna kayo sa loob. Natutulog pa ang iyong Itay pero baka nagising na iyon sa ingay natin. Si Mario pala ay ikinasal na sa huwes noong nakaraang araw. Alam mo ba kung sino ang napangasawa niiya?" tanong ng kaniyang Inay habang naglalakad sila papasok ng kanilang bahay.
"Hindi po. Wala namang nababanggit sa akin si Hazel."
Tumigil muna sa paglalakad ang kaniyang Inay at humarap sa kaniya.
"W
