الجزء السادس عشر

1214 Words

( الجزء السادس عشر ) كانت جميلة تسير في الشوارع وهي لا تعلم الي اين تذهب وماذا تفعل فلاول مره تشعر وكأنها لا تقدر علي فعل أي شيء حتي لو بعد تفكير عميق للوصول لحل جميله : اعمل اي اوصل للعيله دي ازاي وانا حتي مش عارفه اي حاجه عنهم تذكرة جميلة الفندق الذي كان يقيم به ادم فهو أحدي فنادق عائلته اشارة جميله الي تا** وأعطته عنوان الفندق وهي بداخلها أمل أن تستطيع أن تصل إلي اي شيء يخص ادم وصلت جميلة الفندق ودخلت الي الاستقبال موظف الاستقبال : مساء الخير يا فندم اقدر اساعد حضرتك ازاي جميله : هو ادم عز الدين هنا الموظف : لا يا فندم ادم بيه مش موجود جميله : ولا اي حد من اخواته أو عيلته الموظف : للاسف لا جميله : طب انا عايزه رقم اخوه الموظف : للاسف احنا مش بنطلع اي معلومات عن العيله المالكه الاوتيل وخصوصا صقر بيه جميله : ارجوك انا محتاجه اي حاجه اعرف اوصل ليه عن طريقها الموضوع مهم الموظف : ممكن حضرتك تروحي الشركه بتاعته الصبح اكيد هيكون هناك جميله : فين الشركه بتاعته دي كتب الموظف في ورقه عنوان الشركه الموظف : الصراحه أنا مش ضامن ليكي انك تقا**ه جميله : هو هيقابلني شكرا ليك الموظف : تحت امرك يا فندم خرجة جميلة من الفندق وهي تنوي الذهاب للشركة صباحا لتقابل هذا الصقر لكي تصل إلي ادم ««««««بقلم الاء ابو العز««««««« عند ادم كان صقر يقف أمام ادم وهو يعتدل بصعوبه علي السرير ادم : صقر صقر : اي كنت مفكر هتفضل هربان مني ادم : انت جبتني هنا لي وجميله فين صقر : جميله مين ادم : صقر رجعني مكان ما جبتني صقر : انت مش هتروح في حته غير لما تتعالج ونحل الدنيا اللي بايظه دي ادم بتوتر : اتعالج من اي انا مش تعبان صقر : ادم انا مش هتكلم في حاجه الوقتي انا هروح اجيب ليك اكل عشان تاخد علاجك ادم بعصبيه وصراخ : انا مش عاوز حاجه رجعني عند جميله تاني جاء رعد علي صوت صراخ ادم رعد : في اي يا صقر ادم : رعد انت مش بتقول عليا اخوك رجعني عند جميله صقر : مفيش رجوع في حته واقعد مكانك زوجي صوتك يا آدم اقترب رعد من ادم وضمه له رعد : اهدي يا آدم احنا عايزين مصلحتك ادم وهو يبكي : لا مش ههدي انا عاوز ابعد عن هنا يا رعد انا محدش بيحبني غيركوا ودا بيسبب ليكو مشاكل ابعدوني عن هنا كان صقر يسمع كلام أخيه وقلبه يتفتت من الالم عليه صقر : هروح اجيب الاكل جلس رعد علي السرير وجلس بجانبه ادم وهو يمسح دموعها رعد : ادم صقر مكنش بياكل ولا كان بيشتغل طول ما انت مكنتش موجود هو بيحبك وانت عارف انت عنده ايه خليك هنا لحد ما تتعالج ادم : هيرجعني القصر وانا مش عايز اكون هناك رعد : اولا مفيش في القصر غير الفت وفخر الوقتي ثانيا انت مش هترجع القصر الوقتي ادم : لي صقر : بعدين هتفهم كل الاكل دا كله يلا ادم : طب انا عايز اكلم جميله صقر : معيش رقمها اتعالج بس وبعد كدا اعمل اللي انت عايزه ادم : رعد حاول توصل لرقمها عايز اكلمها رعد : حاضر يا ادم جلس رعد وصقر أمام ادم وهو يأكل إلي أن انتهي صقر : خد العلاج دا ادم : دا غير اللي كنت باخد هناك صقر : لان كان فيه نسبت مهدء و منوم دا لا اهم حاجه في العلاج انك تفضل صاحي ادم : بس كدا هتعب اوي انا اصلا بتكلم الوقتي بالعافيه بسبب الصداع رعد : دا كلام الدكتور يا آدم اسمع الكلام هز ادم رأسه وتناول قرص الدواء وقف صقر وادم صقر : لو احتاجت اي حاجه انده عليا انا برا انا ورعد ربط رعد علي كتف ادم وخرج من الغرفه ومعه صقر ««««««بقلم الاء ابو العز««««««« عند جميلة وصلت جميلة منزلها وجدة شريف ومريم بانتظارها شريف : كنت فين يا جميله مريم : وعملتي اي جميله : رحت الاوتيل اللي ادم كان فيه جبت عنوان الشركه بتاعة اخوه وهروح لي الصبح شريف : طب ما انا عارف الشركه مش سالتيني لي جميله : معرفش يا شريف دماغي كانت واقفه مريم : بدل ادم مشي احنا هنرجع البيت عشان جميله والحضانه ولو ادم رجع هنيجي تاني جميله : طيب انا داخله اغير هدومي مريم : اعملك عشا ولا حاجه جميله : لا تجهزي عشان متتاخروش اكتر من كدا شريف : احنا ممكن نفضل جميله : لا مفيش داعي لو ادم رجع ابقوا ارجعوا دخلة جميلة غرفتها وعندما أغلقت باب الغرفة تركت دموعها تهطل بغزاره فهي حزينه جدا وقلبها يبكي جميله لنفسها : هترجعي لوحدك تاني ادم وأهله خدوه وانت اعتبرتيه عوض عن أسر ومريم وشريف هيرجعوا بيتهم وانت لوحدك حتي شغلك اللي كان بيساليكي راح ««««««بقلم الاء ابو العز««««««« في قصر عز الدين وهو القصر الكبير للعائلة كلها كان الجميع يجلس يتحدثون عن ما فعله صقر في الاجتماع وان فخر ولاه الامور في الشركه منعم وهو أحد اعمام صقر : والله انا شايف أن صقر شاطر وكويس أن هو اللي مسك هو اللي هيعرف يرجع الشركه زي ما كانت واحسن مراد : بس يا عمي والنبي دا بكرا يضمها لشركاته واحنا نبقا مجرد موظفين عندو منعم : لا يا مراد صقر حقاني كفايه أن فتح لينا بيته لما بس فكرنا نغير د*كورات القصر ومتكلمش في اي حاجه حتي لما القصر خلص واحنا فضلنا قعدين يسرا عمة صقر : وفي الاخر ترضنا عشان ادم منعم : حقه دا اخوه زي ما انا اعمل اي حاجه عشان يا يسرا كريم : انت رايك اي يا بابا ياسر : انا راي أن صقر مش ناوي علي خير وبداء بالشركه ربنا يستر علي اللي جاي مراد لكريم بهمس : مش هيلحق يتهني ولا يعمل حاجه نظر الاثنين لبعض بخبث وضحكا بهدوء جاء فخر من الخلف فخر : متجمعين ديما منعم : اهلا يا بابا ياسر : اي قررة تسيب صقر وترجع هنا فخر : لا انا جاي عايز مراد وكريم وماشي وقف الاثنان أمام فخر فخر : ورايا علي المكتب في المكتب جلس فخر علي مكتبه وأمامه كريم و مراد فخر : اي الاخبار مراد : كل حاجه تمام فخر : امال مسمعتش خبر عن ادم لي كريم : لسه مش وصلنا ليه فخر : اومال اي اللي كلو تمام انت عارف لو صقر وصلوا قبلنا هيحصل اي مراد : مش هيوصل ليه قبلي متقلقش فخر : لا اقلق صقر بقالو فتره متغير مع الكل ودا مش يطمن هدوءه مش يطمن كريم : خلاص هكثف الناس اللي بتدور علي ادم فخر : اعملوا اي حاجه المهم صقر ميوصلش ليه حي ««««««بقلم الاء ابو العز««««««« عند صقر كان صقر يجلس هو ورعد في الصاله أمام غرفة ادم صقر : صوته بيتالم رعد : ما الدكتور قال كدا هيتالم جامد ومع الوقت الالم هيخف لحد ما يختفي وهو لسه في أول أسبوع ودا أشد الم فيه صقر : طب اديله منوم رعد : لا سيبه لو مسكتش كمان نص ساعه نديهوله عند ادم كان ادم يمسك رأسه ويجوب الغرفه ذهابا وإيابا ادم : مش قادر دماغي هتموتني يارب ساعدني يارب ««««««بقلم الاء ابو العز««««««« في صباح يوم جديد كانت جميله تجلس في منزلها وامامها متعلقات ادم جميله بدموع : رغم انك قعدة معايا كام يوم بس بس ونستني يا آدم جففت جميلة دموعها ووقفت لترتدي ملابسها فهي لم تنم منذ أمس والان الساعه 7 صباحا بعد ساعه كانت جميله جاهزه للنزول للذهاب الي الشركه لمقابلة صقر خرجة جميله من المنزل متجهه الي الشركه وفي داخلها أمل أن تري ادم وتطمئن عليه فهل سوف يسمح صقر بذالك؟ يتبع……….. بقلم الاء ابو العز ❤️

Free reading for new users

Scan code to download app

App Store Google Play

Facebookexpand_more