الجزء التاسع عشر

1569 Words

(الجزء التاسع عشر) كان صقر يقترب من السياره جميله : ينهار اسود اتقفشت وهيقتلني اقترب صقر من السياره وفتح الباب صقر بصدمه : جميله صقر : بالله عليك متقتلني لاحظ صقر أنه مازال يرفع سلاحه أخفض صقر السلاح صقر : ماشيه ورايا ليه يا جميله جميله : عايزه اشوف ادم صقر : تاني يا جميله هو مش احنا اتكلمنا في الموضوع دا قبل كدا جميله : عشان خاطري مره واحده يا صقر اشوفه بس ….. كانت جميله تتحدث ولكن كان صقر متعلق عند كلمه واحده " عشان خاطري يا صقر " كان يشعر وكانه لاول مره بل يقسم أن هذه اول مره يسمع اسمه بهذا الجمال جميله : صقر انت معايا هتوديني اشوف ادم **ت صقر يفكر وهو ينظر لها صقر في نفسه : شكلها هي وادم بيحبو بعض عشان كدا عايزه تشوفه متفكرش كتير صقر : تمام هاخدك بس بشرط جميله : موافقه صقر : اسمعي الشرط الاول جميله : ايه صقر : مش هتشوفيه… جميله : لا صقر : اسمعي للآخر مش هتشوفيه بس هتكلميه من ورا الباب لان مفيش حد بيشوفه جميله : ماشي اي حاجه صقر : يلا امشي ورايا جميله : صقر عايزه اعرفك حاجه الاول صقر : خير جميله : يوم ما كنت عندك في القصر بعد ما خرجة وبعدة وقفني جدك فخر وسألني عن ادم وقولت ليه أن اختفي من عندي قصت جميله حديثها مع فخر وأنها أعطت له عنوان خطاء صقر : طب ما هو اكيد مراقبك وعارف انك معايا الوقتي جميله : لا عيب بقا انت كدا بتشك في قدراتي صقر : لي بقا جميله : انا مش تلميذه يا بابا انا بروح كل يوم العنوان دا واعمل نفسي نزله وطالعه عادي وبطلع وبنزل من الباب الخلفي اروح بيتي وهكذا بقالي اسبوع صقر : لا طلعتي بتفهمي جميله : يلا وديني لادم وهشوفه صقر : لو مسمعتيش الكلام هسيبك هنا وامشي ومش هتعرفي تلحقيني جميله : لا خلاص انا اصلا مش هعرف ارجع لوحدي وخايفه نظر لها صقر طويلا فعندما قالت إنها خائفه شعر وكأنه يريد أن يضمها لص*ره ويطمئنها انب صقر نفسه علي تفكيره فهو يظن أنها وادم يحبان بعضهم تحرك صقر لسيارته وهي استعادة لتسير خلفه ««««««بقلم الاء ابو العز««««««« في مكتب ريناد كانت تجلس تتحدث مع رعد في الهاتف ريناد : يا رعد صقر مشي وانا مش عارفه هو فين رعد : مش انت خلصتي شغلك ريناد : اها بس بردو همسي وهيسال رحتي فين رعد : هنتغدا سوا بس يا ريناد وروحي بقالي اسبوع مشوفتكيش ريناد : كداب اوي انت مش بتشوفني هنا في الشركه رعد : ريناد ريناد : نعم فتح باب مكتب ريناد ودخل رعد رعد : يلا بقا والله انا جعان اصلا وصقر بياكلني اكل صحي مع ادم في البيت لما معدتي نشفت عايز اكل ملوث ضحكت ريناد بشده ريناد : انت مجنون يا رعد افرض حد من الموظفين سمعك ولا شافك رعد : مش مهم كلها فتره وتبقي مراتي بس يلا بقا والله جعان ريناد : بس مش هنتاخر رعد : مش هنتاخر ريناد : يلا بدات ريناد في لم اشيائها وحملت حقيبتها وخرجة من الشركه مع رعد ««««««بقلم الاء ابو العز««««««« عند ادم كان ادم يجلس علي السرير بقراء كتاب جلبه له صقر فهو الآن يتحسن ويشعر أن الالم اخف وأنه قادر علي احتماله في الخارج فتح صقر الباب ودخل وجد جميله تقف عند الباب صقر : مش هاكلك متخافيش ادخلي دخلت جميله : ادم سمع ادم صوت جميله من الداخل ولكن ظن أنه خياله جميله : هو ادم فين اشار لها صقر علي أحدي الغرف اقتربت جميله من الغرفه بسرعه جميله من خلف الباب : ادم ادم ادم : جميله انت هنا خبطت جميله علي الباب : ادم انا هنا عامل اي وحشتني اوي راي صقر لهفت جميله وادم الي بعضهم فأكدت ظنونه ادم : وانت كمان وحشتيني اوي يا جميله جيتي هنا ازاي جميله : صقر جبني هو اها طلع عيني بس جيت ادم : ش*يه انت جميله : سيبك من كل دا طمني عليك صقر قالي واحنا طالعين انك بقيت احسن ادم : اها احسن من الاول بكتير الوقتي بقدر اتحكم في نفسي شويه الدكتور قال أن ممكن أخرج كمان اسبوعين جميله : أن شاء الله انت صوتك كويس اهو وهتبقي بخير إن شاء الله قريب ادم : انت احكيلي عامله اي وشغلك وكدا جميله : لا ما خلاص سبت الشغل وفاضيه ليك الوقتي ادم : سبتيه لي انت كنت بتحبي شغلك اوي جميله : حصل شوية حاجات بعدين هحكيهالك ادم : احكي الوقتي يلا تبدء جميله تقص علي ادم ما حدث من زياد وأنه في نفس اليوم الذي ترك البيت فيه جميله : لو مكنتش رحت وكل دا حصل كنت هكون معاك وهمنع اخوك أن هو ياخدك مني كان صقر يستمع لما حدث لها شعر بالحزن عليها فيظهر عليها انها لا تستحق ذلك ادم : انا لو كنت عارف أخرج كنت رحت قتالته ازاي شريف ميقتلوش جميله : خلاص بقا هو اتقبض عليه واكيد هياخد جزاءه ادم : انا هقول لصقر وهو هيتصرف معاه جميله : صقر ايه بس اللي يتصرف معاه صقر اخوك لو طايل يولع فيا يعملها دا انا حاسه مش طايقني ضحك صقر عليها وعلي بساطتها ضحك ادم بشده عليها : معلش هو كدا مع الناس الغريبه بس هو طيب والله جميله : مش باين خالص يا معلم ««««««بقلم الاء ابو العز««««««« عند ريناد ورعد دخل رعد مع ريناد أحد المطاعم الفاخره وجلسوا علي طاوله رعد : نطلب اكل ونرغي بعد كدا برحتنا طلب رعد الطعام الذي تفضله ريناد دائما ريناد: انت عرفت أن بحب الاكل دا منين رعد : عشان انت في كل مره بتيجي هنا بتطلبي الطبق دا لأن دا احسن طبق من وجهت نظرك هنا ريناد : وانت عرفت منين ان باجي هنا رعد : ريناد انا اعرف عنك حاجات اكتر مما تتخيلي ريناد : زي ايه رعد : زي مثلا انك يوم السبت بتحبي تبدائي الاسبوع بانك بتروح دار ايتام بتقضي فيها معظم اليوم وبعد كدا بتروحي الجيم وتخرجي مع اصحابك يوم الاحد بتكوني في الشغل وبتروحي تاكل وتقعدي تقراي شويه وبتنزلي تلعبي رياضه في جيم صقر وتطلعي تاخدي شور وتنامي ولو صحيتي بتخريج أو بتقعدي في البيت يوم الاثنين بعد الشغل بتروحي لمكتب اصحابك تقعدي معاهم وتتغدوا سوا وبتروحي تلعبي رياضه وتنامي يوم الثلاثاء بعد الشغل بتروحي تتعدي وتنزلي تتمشي وترجعي بليل هلكانه وتنامي لأن بتمشي مسافات طويله يوم الاربع والخميس بتكوني حاطه كل مواعيد اللي برا الشغل فيهم بتخلصيهم بعد الشغل ويوم الجمعه بتحبي تقضيه مع لميس ريناد بصدمه : انت بتهزر يا رعد انت عرفت كل دا منين رعد : واعرف اكتر من كدا كمان يا ريناد عشان انا مش بحبك انا بعشقك ريناد : انت مكنش باين عليك انك حتي بتفكر فيا بسبب تصرفاتك رعد : كنت بعمل كدا عشان تبعدي عني ومتفكريش فيا انت كانت عنيكي واضحه ريناد : لي يا رعد مفكرش لي رعد : عشان صقر ريناد : انت صقر بيعتبرك انت واكرم اخواتنا رعد : انا اتصلحت عشانك يا ريناد اتصلحت عشان استحقك ريناد : انا بحبك اوي يا رعد رعد : انا اتخطيت الحب وبقي هوس و جنون ابتسمت له ريناد بخجل رعد : لا اوعي تبصي كدا والله هبوسك وسط المطعم ريناد : بس يا رعد جاء الطعام وظل رعد يتحدث هو وريناد عن حياته في الخارج الي أن انهو الطعام ريناد : انا عايزه اشوف ادم رعد : اخوكي مانع كل الناس تشوفه بما فيهم انا اللي عايش معاهم في البيت ريناد : وحياتي يا رعد اتصرف رعد : هو انا بعد وحياتي دي اقدر اقولك لا ريناد : حياتي يا رعود قلبي رعد : متيجي اتجوزك ومش مهم راي اخوكي دا ريناد : بس يا رعد يلا عشان نشوف ادم رعد : يلا وفات صقر مشي بردو ««««««بقلم الاء ابو العز««««««« عند لميس واكرم كانت لميس تجلسمع اكرم يتناولون الغداء اكرم : مش بتكلي لي يا حبيبتي لميس : باكل اهو يا حبيبي اكرم : مالك يا لميس لميس : ادم وحشني اوي اكرم : وانا والله لميس : ما تيجي نروح نشوفه اكرم : تفتكري صقر هيوافق لميس : سيبني أكلمه وانا هقنعه اكرم : خلاص قومي البسي هو احنا ممكن نتض*ب بس مش مشكله ضحكت لميس واقتربت من اكرم وقبلته من خده وصعدة لاعلي اكرم : مين هيشيل الاكل دا لميس وهي تصعد : كركر روح قلبي اكرم : بتثبتيني يعني المره دي بس بعثت له لميس قبله في الهواء ابتسم اكرم ووقف يحمل الاطباق الي المطبخ ««««««بقلم الاء ابو العز««««««« في قصر عائلة عز الدين كانت العائلة تجلس جميعا علي طاولة الطعام يتناولون الغداء جاء مراد إليهم وهو يظهر عليه الغضب مراد : لا بقا كدا كتير منعم : في اي تاني يا مراد مراد : صقر بيه صقر باشا بعد ما بعت القرار للمصنع عشان يشتغلوا في الطلبيه الجديده البيه لغاه وقال الصفقه دي بيتم إعادة النظر فيها كريم : زودها معانا أو وكل القرارات اللي بناخدها تقريبا بتتلغي منعم : انتو اللي اخدنها تحدي وهو عارف كدا عشان كدا بيوريكوا أن هو القوي لكن انتو لو مكبرتوش وكبرتوا دماغكوا منه هتلاقوه طبيعي معاكوا مراد : مش هسيبك ومش هسكت دا مش اول مره يخليني ارجع في كلامي ويض*ب بكلامي عرض الحيط منعم : عرفوا جدكوا الكلام دا ممكن هو يتصرف كريم بسخريه : جدنا مين اللي راح مسكه كل حاجه ومعبرناش مراد بصوت منخفض : يستاهل اللي احنا هنعمله فيه ««««««بقلم الاء ابو العز««««««« عند ادم كانت جميله تجلس تتحدث مع ادم أمام الباب كما هي وصقر يجلس بعيدا عنهم نسبيا ولكن يسمعهم جميله : دا جميله بتسال عليك ومش مبطله زن عيزاك ادم : اول ما هخرج من هنا هخدها ونروح الملاهي جميله : اها يا غدار لوحدك ادم : لا متخافيش هخدك معانا جميله : شطور يفتح الباب ويدخل رعد وريناد معا ينظر لهم صقر بدهش ثم…… يتبع ……… بقلم الاء ابو العز ❤️

Free reading for new users

Scan code to download app

App Store Google Play

Facebookexpand_more