Mabilis nilang dinala si Anya sa Emergency Room. Si Toneth na ang nag-asikaso kay Anya. Hindi maiwasan ni Alvin na makaramdam ng guilt dahil sa mga nangyayari. Gulong-gulo na siya sa mga nangyayari. Sa buong oras na nasa ER si Anya ay wala siyang nagawa. Para siyang bata na pinanunuod lang ang mga nangyayari. Napalingon na lang siya nang may humila sa kanya palabas ng ER.
“Alvin, snap out of it!” sigaw ni Kent sa kanya. Napakurap siya. Kita niya ang pag-aalala ni Kent sa kanya.
“K-kent… si Anya—”
“Toneth is with her. So don’t worry,” sabi ni Kent sa kanya. Dinala siya sa cafeteria at binigyan siya ng isang tetra pack na mango juice.
“Kasalanan ko ata. She was fine earlier. Maybe Toneth went overboard and out stress to her,” sabi niya. Hindi niya mapigilang maluha dahil sa
