Nanlaki ang mga mata naming dalawa ni Brent. Literal na parang huminto ang pag-ikot ng mundo ko. Nagkatinginan kami at parehas naming nabasa sa mga mukha namin ang matinding gulat at kaba. Paano nangyari 'to? Wala kaming kaalam-alam na malalaman ni Valerie na nandito si Brent.
Napabuntong-hininga nang malalim si Brent at napasabunot sa sarili nyang buhok. "Yung sasakyan ko... nakita nya siguro yung sasakyan ko na nakaparada dyan sa likod ng kanto nyo. Ang tanga ko, hindi ko naisip na baka mag-ikot-ikot 'tong babaeng 'to."
"Akala ko ba nasa spa sya buong araw?!" inis at pabulong kong bulyaw sakanya.
"Malay ko ba dyan!" sagot nya na halatang na-stress din. "Dyan ka na muna, ako nang bababa—"
"Wag! Ako na!" pagpigil ko sakanya. "Pag ikaw ang lumabas, mas lalong mag-iinarte 'yon. Ako n
