عشقي الوحيد

الفصل الخامس

#رواية_عشقي_الوحيد

#بقلم_يارا_محمد

#حورية_الخيال

الفصل الخامس ...❤

"نعم السكوت ليس دائما علامه رضي ،، انه احيانا علامه الخيبة، علامه الإحباط الذي لاينفع معه اي حديث عن اي شيء ، انه علامه أنتهاء مخزون الأمل أحيانا هو علامه الصدمه التي قتلت شيئا بداخل الانسان ، شيا لايمكن ان يحيا مره اخري ، السكوت هو نهايه آلاحداث.. انتهاء وقت المبررات لاشي يحكي مع الأسف "

~~~~~~~~~~~~~~~~~~~~~~

صباح يوم جديد ...

عند لميس في المنزل ...

لميس ونور كانو يستعدو للخروج ...

شيماء : اي يا بنات انتو ماشين ولا اي ...!!

لميس : اه ياماما عايزه حاجه ...؟؟

شيماء : لا ياحبيبتي عايزه سلامتك يارب نجحكو واحفظكو يابناتي يارب ...

نور : لا والنبي بلاش دعاوي انا بتيجي معايا بالع** ...

لميس : بس يا جزمه ...

شيماء : ماشي ي أم ل**نين طب يارب ...

نور مقاطعه ...:لا والنبي بلاش انا ماشيه (وركضت للخارج)...

لميس : ههههههه والله بنتك دي مجنونه ...

شيماء : اه والله ...

لميس : طب يلا بقا ياقمري عايزه حاجه ...

شيماء : سلامتك يا حبيبتي ربنا معاكي ...

**********************

وبعد قليل ..

عند نور في الجامعه ...

نور : انا بكره المحاضره دي جداً عشان دكتور سيف ده، بجد رخم أوي ...

اسراء صديقه نور : ههههه ليه يابنتي ده حتي مز كده وكيوت ...

نور : مز اي ياشيخه بلا مز بلا زفت ...

اسراء : عليا أنا بردو ....أنتي مش بتاخدي بالك هوا بيبصلك ازاي شكل الصناره غامزه عندو ...

نور : بلا غامزه بلا مش أعرف اي ...انا هروح اجيب حاجه اشربها بدل الملل ده وقبل ما الشيخه نسمه تيجي تقتلنا ...

اسراء : طب روحي وجيبيلي معاكي انا هستني هنا ...

نور : طيب ...

وبينما هيا تمشي تصتدم بشخص ما ...!!

نور : انا اسفه ...

الولد : لا عادي ياقمر ...

ونظر لها بتفحص

ونور نظرت له بضيق من نظراته وقبل أن تتحرك أمسك يداها بشده ...

نور بغضب : سيب ايدي انت اتجننت ...!!

الولد ويدعي حسام : ليه بس كده يا مزه دنا معاكي هنا في نفس الكليه

وبعدين انا أولي بردو ولا اي (وغمزلها)...

نور بغضب ...: سيب ايدي يا مجنون أنت ...!!

حسام : ليه بس الغلط متخافيش هبسطك ...

نور : والله لو مسبتش ايدي هصوت والم عليك الجامعه كلها ...

حسام :ههههههه صوتي للسنه الجايه ....هما مدام شافوكي واقفه معايا يبقا عرفو إنك ابتاعتي ومحدش هيقدر يقرب ...

نور بدموع : أنت بجد مجنون سيب ايدي ياحيوان ...

ليسحبها من يداها ولكن يشعر بلكمه قويه من شخص ما ...

دكتور سيف :انت يا زباله إزاي تمسك ايديها كده ...

حسام :أنا مش بعمل حاجه غصب عنها انا وهيا بنحب بعض وهيا زعلانه مني اشويه وبصالحها ...

نور ببكاء ...: لا والله العظيم انا معرفوش أنا أول مره اشوفه وهوا اللي كان ماسك ايدي وعمال يدايقني ...

حسام : كدابه انتي كنتي جايه معايا اصلاً ...

نور : لا والله العظيم انا مش بكدب صدقني يا دكتور انا اول مره اشوفه ...

سيف :انا مصدقك وعارف انك محترمه ومش ممكن تعملي كده "ونظر لحسام": وكمان عارف إنك واحد ازباله ووس** ف عشان كده أنت مفصول شهر كامل ...

ومش عاوز أشوف وشك في محاضراتي بعد كده ...

لينظر حسام لنور بغضب وتوعد ويرحل ...

سيف : أنتي اكويسه ...

نور : اه ...

سيف : لو أي حد دايقك بعد كده تعالي قوليلي علطول مفهوم ...

نور : حاضر ...شكراً اوي يادكتور علي اللي أنت عملتو معايا ....انا بجد مش عارفه اشكرك ازاي ...

سيف : لا مفيش داعي للشكر انتي طالبه متفوقه ومحترمه وتستاهلي كل خير يا نور مش نور بردو ...

نور بابتسامه : اه ...

سيف :اوكي ..طب اتفضل انا بقا ..

"ورحل ...

..........

نسمه وتكون صديقة نور : نور أنتي اكويسه ..أنا اسمعت ان في واحد كان بيدايقك ...

اسراء :لا مهو دكتور سيف عمل الواجب

(ونور نظرت لها بغضب)...

نسمه :مين الحيوان ده اللي حاول يدايقك وربي أنا لو شوفتو هموتو ...

نور :خلاص يا نسمه أنا اكويسه وبعدين دكتور سيف زعقلو وكمان فصلو لمدة أسبوع ...

نسمه : أحسن يستاهل وأنتي بعد كده مش تمشي لوحدك أنتي فاهمه ...

نور : في اي يابنتي ....اللي يشوف يقول أمي ....علفكره إحنا الاتنين في نفس السن ...

نسمه :في نفس السن بس أنتي هبله ومش بتعرفي تتعاملي مع الولاد ...

نور :في دي عندك حق الصراحه ...

*******************

في مستشفي الشافعي ...

فريده : يلا بقا يا لميس انا جعانه اوي بقالي ساعه قاعده ،وانتي مبتزهقيش من الشغل ...

لميس : اتهدي بقا وروحي شوفي وراكي اي انا ورايا حالات كتير مش فاضيه للأكل دلوقتي ...

فريده : والنبي اخلصي بقا انا لسه طالعه من اوضة العمليات وهفتانه كأني انا اللي عامله العمليه ...

لميس : طب خلاص روحي أنتي وبصي مفيش غير الحالتين دول بس وهاجي معاكي اوكي ...

فريده : يا بنتي ده وقت استراحه الله يخربيتك ، هوا مفيش دكاتره هنا غيرك ولا اي ...

رامي كان يمشي بالطرقة واستمع لحديث فريده ...

رامي بضيق : في اي يا دكتوره صوتك عالي ليه ...

فريده بأرتباك عندما رأته : ها ..أنا يعني .بص أنا بقالي ساعه عماله اتحايل علي لميس تيجي معايا ناكل ...وهيا مش راضيه إلا لما اتخلص الحالات كلها ، وأنا الصراحه لسه طالعه من عمليه وجعانه وربنا ...

رامي موجه كلامو ل لميس : روحي اتغدي معاها متخافيش في دكاتره كتير غيرك وهيقدرو يخلصو الحالات كلها النهارده ...

لميس : لا مهو أنا عايزه اخلص الحالات دي أنا ...وبعدين دول أطفال ومش ينفع يستنو كتير ، وبعدين أنا مش جعانه ، ممكن تروحي أنتي يا فريده ...

رامي : بس أنا بقا اللي بقولك تروحي معاها ومش عايز اعيد كلامي تاني ...

لميس : مه ... وقطعت كلامها بسبب نظراته "حاضر يلا ياختي (قالتها بضيق)...

فريده : شكراً شكراً بجد يا رامي يا عس ... اقصد يا دكتور يعني

(وتهتف بهمس): يساتر يارب اي النظره دي ...

ومشيو بس رامي وقفهم ...

رامي : استنو ، هبعت يزن معاكو عشان أنتو مش عارفين الأماكن هنا كويس وممكن حد يدايقكو ...

فريده : لااا الله ايباركلك بلاش الشخص السئيل ده ...

رامي بحده : فريييده ...

فريده : بص مش عايزه اطفح بس بلاش البني ادم اللي اسمو يزن ده ...

يزن : هاااي ، سمعت حد بيجيب في سيرتي

فريده بهمس : جتك هاي في نفوخك يابعيد ...كان يوم أ**د يوم ماشوفتك ....اللهي تنطص في نظرك ومتشوفش بعنيك اللي عامله زي عيون القطط دي ...

..بينما لميس لم تقدر علي كبح ضحكتها وابتسمت بشده لحتي ظهرت غمازاتها ...

ورامي للمره الثانيه يري غمازاتها ليتن*د بضيق ...هوا لا يعلم لما يتضايق من هذا لكن هذا هوا شعوره

يزن بأستفزاز : بتقولي حاجه يا مدام ...

فريده : نعم ياخويا .... مدام في عينك ...

يزن : مش انتي بتدايقي لما بقولك يا انسه ....خلاص يبقا اقولك مدام ...

رامي بحده : ياريت تخرسو انتو الاتنين عشان مش اخنقكو دلوقتي ، وبعدين اي الهبل اللي انتو بتقولوه ده ...

فريده : اسأل المجنون اللي جمبك ده ...

رامي : بس بقا ، وانت يا يزن خدهم ووديهم المطعم اللي جمب المستشفي عشان هما ميعرفوش المكان هنا كويس ...

فريده : لاااا مش هيجي معانا ...

يزن : انا اللي مستحيل اروح معاها اصلاً ...

رامي بحده وتحذير :يييزن ...

يزن : طب بص انت هتيجي معانا علشان البت دي بتعصبني ونا مش عارف ممكن اعمل فيها اي الصراحه ...

فريده : بت في عينك ...

رامي : باااس اي هوا مفيش احترام خالص اللي يشوف كده يقول لسه اطفال ...وانتي ليا كلام معاكي تاني علي اللي انتي بتعمليه ده ..(موجه كلامو ل فريده)...

يلا تعالو هاجي معاكو وأمري لله ...

***********************

(في المطعم)...

تجلس فريده وتنظر ل يزن بغيظ وهوا ينظر لها بأستفزاز ...

وأتي الجرسوم بعد قليل وأخذ طلباتهم ...

يزن : لو سمحت متحطش شطه في الاكل بتاعي ...

النادل : تمام يا فندم ...

فريده بصتلو بخبث وهتف :طيب عن اذنكو أنا هروح التاولت ...

لميس مسكت بها بتوتر وهتف بهمس :رايحه فين الله يخربيتك وسيباني ...انا مش عارفه انا اي اللي جابني اصلاً ...

فريده : دقيقتين وهتلاقيني فوق راسك متخافيش ...وبعدين مش هياكلوكي ...

ورحلت وتركتها هتموت من الخجل والتوتر ...

*****************

فريده دخلت المطبخ الخاص بالمطعم ...

النادل : نعم حضرتك عاوزه حاجه ...

فريده : احم .. هوا فين الاكل اللي هيتسلم لطربيظه 9 ...

النادل : جاهز وحالاً وهيكون عند حضارتكو يافندم ...

فريده : طب ممكن بس اشوفو وأدوئو قبل مايتقدم ...

النادل : طبعا يافندم اتفضلي ...

فريده أخذت اناء الشطه ووضعت اكثر من نصفه بطبق يزن بدون أن ينتبه لها أحد ...

فريده بأبتسامة شر : تمام كده ، ياريت بس متتأخروش ...

.....................

فريده : اي يا ليسو اتأخرت عليكي ...

لميس : اترزعي واسكتي يا فريده ...

وبعد قليل إتي النادل بالطلبات وفريده تتابع يزن بشر ...

ليأكل يزن أول ملعقه ويبتلع جوفه ووجهه اصبح احمر بشده ...ليشرب جميع المياه الموجوده علي الطاوله ?...

رامي : في اي يابني مالك ...

يزن : نار ...نار مش قادر الله يخربيتهم مين اللي حط شطه في الأكل ...

فريده : تؤ تؤ تؤ ....يا حرام ، بتحصل بردو يا أستاذ يزن معلش بقا ناس اغ*ية ...

ليفهم يزن مقصدها ويعلم أن هيا الذي فعلت ذالك ...!!

يزن : فعلاً ناس اغ*ية بس هيروحو مني فين ... انا وهما والزمن طويل ..مش كده بردو ...

فريده : هااا .اه اه طبعاً ...

لينظر لها بخبث ويغير الطبق ويأكل وهوا يرمقها بخبث وغضب

لكن بالطبع لميس لم تقدر أن تأكل شئ لأنها أول مره تأكل وبجانبها رجال لا تعرفهم ...

ليشعر رامي بذالك فلهذا كان ينظر بالهاتف خاصته لكي لا يزيد احراجها ...

النادل : حضراتو تشربو اي ...

رامي : هاتلي قهوة ...

يزن : وانا كمان قهوة ...

فريده : هاتلي شاي بقا اصلاً مش هقدر اعدي النهارده من غيرو ... هاه يا لميس بقا، هتشربي اي وبلاش مش شاربه اصلاً اخنقك ...

لميس بأبتسامه هادئه : خلاص لتيه ...

فريده : قولي والمصحف ...

لميس بأستغراب : نعم ...

فريده : لا ولا حاجه ...

فريده قربت من رامي وهمست بأبتسامه : تعرف انك فُله ...

رامي بأستغراب وبرود ...:وليه بقا ...

فريده :إنك جبتنا هنا . انا مش مصدقة أن لميس طلبت لتيه انا مبسوطه جداً والله ...

رامي باستغراب واهتمام ...: وفيها اي يعني ...

فريده :اصلاً لميس لما بتكون مدايقة او مشتته او متعصبه بتشرب قهوه ، بس لما بتبقا مبسوطه وبالها مرتاح كده .بتشرب لتيه

بس مش مصدقة أن لميس طلبتو اخيرا دي اخر مره شربت لتيه من سنتين او تلاته تقريباً ...

رامي : اممم ...

فريده : هوا انت بتخاف تتكلم يعم أنت ...

رامي : فريده اخرسي ...

فريده :ههههههه أخيراً ياخي قولت فريده مش كنت من شويه دكتوره

ياخي دنا بنت خالتك بردو ...

رامي بضيق :هوا أنتي مش بتعرفي تسكتي خالص ...

فريده :سكت ... ربنا ايكون في عون اللي هتتجوزك ...

رامي :بتقولي حاجه ...

فريده :لا أبداً هوا أنا اقدر اقول حاجه ، أنا بس كنت بقول يبخت اللي هتجوزك دي هتبقا محظوظه بنت اللذينه ...

رامي :اخرسي يا فريده ...

فريده :حاضر ، كل شويه اخرسي يا فريده اخرسي يا فريده ...

(نسيبهم بقا في اللي هما بيعملوه ده

وخليهم يشربو حجاتهم عيب كده ?)...

*********************

كانت تجلس شهد وترسم ت**يمات عن العماره الذي يعملون عليها

وتجلس علي مكتبها وتضع القلم بفمها بطريقة مضحكه ...

كان يمشي بجانب مكتبها ليراها بهذه الحاله ليبتسم علي مظهرها .. وشعر حقاً أنها بريئه وجميله في كل حاله توجد بها ...

لتلتفت شهد وتري مروان وهوا ينظر لها ويبتسم ...لترتبك هيا بشده وتقع التصاميم من يداها ...

ليضحك مروان عليها ويرحل ...

شهد : هوا البني ادم ده دايماً يحرجني كده ... بس يخربيت ضحكتو هوا في كده ولا عنيه ينهار ابيض اللي يشوفهم يغرق وأا ..اي اللي انا بقولو ده انا اتهبلت ولا اي ...

سهيله : في اي يبت انتي ملبوسه ولا اي ....أنا كل م اجي الاقيكي بتكلمي في نفسك الله يخربيتك انا بدأت اشك انك اتجننتي فعلاً ...

شهد : اسكتي الله يخرب بيتك هتفضحيني ملبوسة اي بس ...

سهيله : هههههه يلهوي علي شكلك وانتي خايفه كده مسخره ...

شهد : طب اسكتي ياختي منتي مبدوئيش من اللي بدوئو ...

سهيله : بدوئي اي يختي ...

شهد : ها ... بدوء!! ...مبدوئش حاجه يلا شوفي شغلك أنتي ...

**********************

في مشفي الشافعي ...

كانت تمر مادلين علي المرضي في المشفي ورأت رامي ويزن مع لميس وفريده لتعصب جداً وتقترب من لميس وفريده عندما يرحلو الشباب ...

مادلين بغضب ...: كنتو فين كده مع رامي ويزن "وتنظر للميس بضيق ...

فريده : اعتقد أن ده مش يخصك ...

مادلين : أي اللي أنتي بتقوليه ده إنتي مش عارفه انتي بتكلمي مين ولا اي ...

فريده : هكون بكلم مين يعني ...

مادلين : أنا مادلين حامد الرفاعي ...أكيد طبعاً تسمعي عن بابا في الجرايد والتلفزيون وكمان أنا صديقة رامي المقربه لي أوي واكتر من صداقة كمان ...

فريده بغضب وتريقه : حصلنا الارف ياست مادلين وبالنسبه لابوكي بقا معلش مبقراش صفح الاجرام ...

و

لو أنتي صديقة رامي فأنا بنت خالتو . اوكي يا ميادين أنتي "وتركتها ورحلت ...

مادلين بغضب ...: بقا واحده زي دي تقولي كده ...ماشي والله العظيم لتنطردو انتو الإتنين من هنا زي الكلاب وهتشوفو قريب مين هيا مادلين ...

******************

في الجامعه عند نور...

اسراء : متيجي نطلب حاجه بدل قعدة المطلقين اللي احنا قاعدينها دي ...

نور : لا روحي لوحدك أنا مش جايه وهقعد هنا مع نسمه والدكتور اصلا زمانو جاي ونخلص من اليوم الفقر ده ...

اسراء : يابنتي تعالي بقا ... أنتي من وقت المشكله دي وأنتي مبتتحركيش من هنا خالص اي الجوبن ده ...

نور : انا مش جبانه يا اسراء بس أنا مبحبش المشاكل ..... وبعدين المره اللي فاتت دكتور سيف انقذني بس مش كل مره بتسلم الجره زي مابيقولو ...

نسمه : اخرصي بقا يا اسراء ولو عايزه اتجيبي حاجه روحي لوحدك مش لازم نور تكون معاكي ...وبعدين هيا معاها حق مش كل مره حد ممكن ينقذها من الحيوان ده ....المره دي كان دكتور سيف موجود ....بس يا عالم المره الجايه هيبقا موجود ولا لاء ...

اسراء بغمزه ...: طب مدام جيبتو سيرة دكتور سيف بقا ... يبقا قوليلي اي الجوووو ...

نور باستغراب ...: جو اي ...

اسراء : لا يا شيخه .... علي اساس إنك مش بتاخدي بالك من نظراتو ليكي ...

نور : بردو يا زفته وبعدين قصدك اي يعني .. اي الهبل ده ...

إسراء : هبل اي يا مجنونه ....أنتي اتطولي داا دكتور سيف عارفه يعني اي ...طب سيبك من ده ....أنتي مش شايفه مز ازاي يخربيتو لبيت جمالو أنا مشفتش كده قبل كده ...

نور : إسراء بطلي بقا الهبل ده دكتور سيف يبقا الدكتور بتاعنا يعني شيلي كل الهبل ده من دماغك ...

إسراء : انا مش عارفه ليه انتي قفيله كده ... يعني انتي عايزه تسبتيلي انك مش بتحبي ...

نور : خلاص بقا مش تبقي زنانه مش انتي وماما عليا والله انا متأكده مشكله النهارده دي بسبب دعاويها ...

نسمه : صح أنتي دايما كده متشائمه من دعواتها دي بتدعيلك مش بتدعي عليكي يا مجنونه وأا

وقاطع كلامها فتاه ...

الفتاه : مين اللي قعد مكاني وبهدل المكان بالشكل ده ...

نور ببرود : الصراحه أنا ...

الفتاه : يعني أنتي عميه مبتشوفيش ... أنتي لسه طفله عشان تبهدلي المكان كده ...

نور : في أي يابت أنتي ...اي يعني عملت اي ...المياه هيا اللي اتكبت مني من غير م أقصد ...

الفتاه وتدعي كامليا : بت في عينك مش عارفه اي الاشكال الزباله دي ...

نسمه : في اي يا روح أمك متلمي نفسك مهي قالتلك مش تقصد ولا أنتي عايزه اتعلي صوتك وخلاص عشان تتحالي قدام الشباب منا عرفاكي مش بضيعي فرصه ...

اسراء : خلاص يا نسمه وأنتي يا كامليا بلاش الكلام ده نور مش تقصد المياه اتكبت غصب عنها والله ...

نور : أنتي هتبرريلها متصدق ولا انشالله عنها مصدقت ...

كامليا :هتندمي أوي علي الكلام ده وبكره اتشوفي، "ورحلت وتركتهم ...

نسمه :اي الارف ده ...

اسراء :البت دي متكبره بشكل ...مش عارفه علي اي ...

نور :والله أنا مش عارفه اي اللي بيحصلي من الصبح ده ... انا حاسه أن ده بركات دعااا امي ...

نسمه :هههههه الصراحه انا بدأت اشك انا كمان ...

****************************

بعد مرور اسبوعين ...

وها هوا اليوم الموعود ...

كتب كتاب لميس وسامر ...

(في غرفة لميس) ...

فريده : ليسووو حبيبتي ساعه كمان وهتبقي مرات اخويا .. يا سلااام مش مصدقة نفسي بجد ...

نور : لا صدقي يختي ....اهئ اهئ يحراميه هتاخدو اختي مني ...

شهد : هههههه بطلي يا هبله هما هي**قوها ...

فريده : ههههههه اه ونبي قوليلها ...

لميس : بطلو بقا هبل دوشتوني ...

فريده : خلاص ريلا** .... ريلااا** خالص النهارده ...

شيماء : اي يا بنات خلصتو ولا لسه

فريده : اه خلصنا يا مرات عمي

....هوا المأذون وصل ولا اي ...

شيماء : لا هما هيلبسو الدبل الأول بس قبل ما المأذون يوصل ...

لميس : أنا جاهزه يا ماما ...

شيماء : طب يلا ياحبيبتي ...

ليخرجو جميعهم ويقا**هم سامر

ويبتسم للميس ويمسك يداها وخرجو لكي يلبسو الدبل ...

(لتشعر لميس بالخوف والتوتر عندما يمسك سامر يدها وهوا يشعر بذالك لكن كل تفكيره أن هذا يحصل دائماً لدي كل الفتيات ...

امينه : خد ي سامر لبس الشبكه لعروستك ...

ليضع سامر الدبله بأصبع لميس ويقبل يداها بحب ...

فريده : خدي بقا يا ليسو لبسي الدبله ل سامر ...

لتأخذ لميس الدبله من يداها وهيا ترتجف وكادت أن تقع من ارتجاف جسدها لكن سامر يمسكها وهوا يبتسم لها ...

وتضعها بيده ...

***********************

في ڤيلا الشافعي ...

هاله : يا حبيبي تعالي معايا النهارده بس دي خالتك هتنبسط أوي لما اتشوفك ...

رامي : معلش يا أمي مش هقدر اجي معاكي ....ورايا شغل ومش فاضي خالص ...

هاله : مش فاضي اي يا رامي دا النهارده الجمعه ...

رامي :أنا معنديش اجازات ....انا الشغل عندي كل يوم وكل ساعه ...

هاله : خلاص يا حبيبي ربنا يعينك ...

طب تعالي معايا انت بقا يا وائل ...

وائل : ونا كمان والله عندي شغل كتير ومش فاضي ...

هاله : برضو ...

جومانه : انا هاجي معاكي يا حبيبتي وسيبك من الرخمين دول ...

هاله : ههههه والله انتي الوحيده اللي ابتنصفيني منهم ...

كارمن : وأنا يا ماما هاجي معاكي ...

جومانه : اي ده ...وده من امتي ...

كارمن : عادي يعني النهارده كتب كتاب ابن خالتي وعادي يعني لما اروح ....ولا انتو مش عيزني اجي معاكو ...

هاله : لا يا حبيبتي تعالي ....بس يلا بسرعه بقا اصلاً اتأخرنا ...

************************

في بيت لميس ...

(قطار التسريع?✈️)...

بارك الله لكما وبارك عليكما وجمع بينكما في خير ...

امينه : مب**ك يا سامر ...مب**ك يا عروسه ?...

احمد : مب**ك يا لميس مب**ك يا سامر ...

سامر : الله يبارك فيك يا عمي ...

لميس : الله ايبارك فيك يا بابا ...

شيماء ونور وفريده وشهد ...:مب**ك يا لميس ...

لميس بأبتسامه ...:الله يبارك فيكو ...

*****************

وفي الجهة الاخري ...

هاله : بسم الله ماشاء قمر والله ...سامر محظوظ اوي بيها ...

جومانه بتذكر : ماما دي نفس البنت بتاعت الحادثه اللي حكيتلك عنها وهيا اللي انقظت سلمي ...

هاله بأبتسامه ...: دي شكلها محترمه جداً باين عليها من شكلها ...بسم الله ماشاء الله والله دي خساره في اختي وابنها ...

جومانه : ههههه ليه كده بس .... وبعدين دي مش بنت عمه تقريباً ...خصاره فيهم ليه بقا ...

هاله : نفسي في واحده زيها ل رامي هيا دي اللي تعرف تصونو بجد مش مادلين دي ...

جومانه : هههه اه انتي طمعانه فيها ....بس الصراحه عندك حق دي جميله جداً ، وعلي فكرة هيا وفريده بيشتغلو في المستشفي عندنا ...

هاله : يعني دكتوره كمان ...

جومانه : اها ...

هاله : يلا ربنا يسعدها ويوفقها في حياتها ...

...................

نظرت كارمن للميس بغضب وتجاهلتها وصافحت سامر ...

كارمن : الف مب**ك يا سامر ...

واقتربت منه وهتفت بهمس :أنا مش عارفه عاجبك فيها أي دي ...

سامر : احم ...الله يبارك فيكي يا كارمن ، اي مش هتسلمي علي لميس ولا اي ...

كارمن : لااا ازاااي ...لازم طبعاً اسلم عليها ...

لتنظر لها بغضب وتصافحها وهيا تضغط علي يديها بشده ...لتنظر لها لميس بأستغراب فهيا تعلم أنها تكرهها لكن لا تعرف السبب

***************

شيماء : مالك يا أحمد مش مبسوط ليه ...

أحمد : حاسس إني ظلمت لميس أوي يا شيماء ومش خليتها تختار شريك حياتها بنفسها ...

شيماء : ظلمتها أي بس يا أحمد مهي زي الفل اهي ومبسوطه ...

احمد : بتحاول ترسم الابتسامه عشان تسعدنا ....بس هيا مش سعيده ...وده باين في عنيها اوي حاسس اني بقراري ده مش بسعدها انا كده بهدها

....انا خوفت ارفض سامر الناس يقولو رفضو ابن عمها ويتكلمو علينا ...

شيماء : اي اللي انت بتقوله ده بس ي أحمد ....أنت عارف اكويس أن سامر بيحب لميس اكتر من نفسه ومش هيسمح لأي حاجه تأذيها ولميس مع الوقت هتحبو وحياتهم هتبقا حلوه انشاء الله ...

احمد :يااارب ...

**********************

بعد كتب الكتاب :مساءا ...

لميس :بابا مالك يا حبيبي شكلك تعبان ...

احمد :لا يا حبيبتي انا تمام ...بس ليه مش خرجتي مع سامر زي ما قالك .....انتو لازم تتعودو علي بعض يا حبيبتي ....وبعدين دلوقتي انتي مراتو ...

لميس بتوتر من هذه الكلمه الذي نطقها "مراتو" لتهتف بحزن :انت تعبان يابابا ومش كان ينفع اسيبك واروح في مكان ....

نور بمرح ...:شد حيلك يا حج لسه بتجوز لميس واتعبت ...أمال لما اتجوزني أنا هتعمل اي ولا تكون ناوي متجوزنيش وتسيبني بايره ...

احمد :ههههه متخافيش ياختي هتتجوزي .....لميس تعالي معايا عايز اقولك حاجه ....

*****************

لميس بمرح :في اي يا بابا ....مالك كده انت عجزت ولا اي ياعم الحج ...

احمد :هههههه يااااا عجزت من زمان ...

لميس :بس بس بلا عجزت قال ... د انتا اللي يشوفك يقول عندك 30 سنة ..... اه صح انت كنت عايزني ليه ...

احمد بأبتسامه هادئه : انتي مبسوطه يا لميس ....

لميس بتوتر ...:مم ..مبسوطه ازاي يعني مش فاهمه ...

احمد : مبسوطه باللي حصل النهارده . مبسوطه بجوازك من سامر ...

لميس :اه يا بابا سامر بيحبني أكيد هبقا مبسوطه ...

احمد :بس أنتي مش بتحبيه يا لميس ، أنا عارف إني ظلمتك بقراري ده وحطيتك قدام الامر الواقع ومش سبتك تختاري شريك حياتك وفكرت في كلام الناس وبس ...

لميس :اي يا بابا الكلام اللي أنت بتقوله ده ... أنت مستحيل تظلمني بأي حاجه وناا مش زعلانه أنا بالع** فرحانه جداً إني لقيت حد يحبني من قلبو بجد ويقدر يسعدني والشخص ده يبقا سامر ...

احمد :صحيح ياحبيبتي يعني انتي مش زعلانه ...

لميس :لا طبعا يابابا ...

احمد :ربنا يطمنك ياحبيبتي ويسعدك يارب ...

لميس وهيا تقبل جبهته :ربنا يخليك ليا ياحبيبي .... انا همشي دلوقتي واسيبك ترتاح شويه بقا ...

***********************

فى بيت الشافعي ...

جومانه :يااا يجماعه لو كنتو جيتو وشفتو العروسة ههههه ولا لو سمعتو اللي ماما قالتو ...

وائل :مش فاضيين احنا للكلام ده .... وبعدين احنا مش عارفين المتعوسه دي اللي هتجوز الود المجنون ده ...

جومانه :بس ياوائل متقولش كده ماما هتزعل لو سمعتك ... بس علي فكره بقا انتو عارفين العروسه كويس ...

وائل بستغراب : مين ...

جومانه : لميس

وائل : لميس مين

وائل :لميس يا وائل ...اللي بتشتغل عندكو دكتورة اطفال في المستشفي ...

رامي وقف فجأه :بتقولي اي ....ازاي ...

وائل رفعلو حاجبه : هوا اي ده اللي ازاي ... اه صح هيا مش لميس بنت عم سامر ...

ليشعر رامي ب*عور غريب لأول مره يشعر به ..وأيضاً يشعر بالضيق من خبر زواجها ...ليستغرب من هذا الشعور الذي لم يعرفه حتي الآن ...

رامي بضيق من نفسه :تصبحو علي خير ...

جومانه :وأنت من اهل الخير ...

وائل بأستغراب :وانت من اهلو ...

....................

في غرفة رامي ...

كان يتجول بالغرفة زياباً واياباً ...

رامي : يعني ماقلتش حتي انها هتتجوز ...والمفروض إني مديرها وتقولي وتديني خبر ...لا بس ازاي هيا مبتحترمش حد اصلا ووء ...وانا مالي اصلاً يعني تتجوز ولا لاء وهيا تاخد اذني ليه والنهارده اجازتها اصلا ...

اي الهبل ده .... انا شاغل بالي بيها ليه اصلاً ما تولع بجاز هيا وزفت سامر ده كمان ...

وبعد صراع مع نفسو قام صلاه ركعتين ليرتاح من هذا التفكير الذي لا يعلم سببه ...

*************************

لميس :أي ده إنتي لسه هنا ليه يا شوشو ...

شيماء :يااا والله سهتوني في القعده انا ادخل أنام بقا ...

لميس :أنا هروح أشوف بابا كده قبل منام أنا مش عارفه حاسه انو تعبان ...

شيماء :طب ادخليلو انتي ونا هعملو كباية شاي وجايه وراكي ...

لميس :اوكي ...

......................

لميس :اي ده يابابا انت نمت .... دي ماما رايحه تعملك شاي

"لكن لم تستمع رد وتضع يدها علي جسده لتجده مرخي .. لتنظر له بصدمه"

: بابا .... بابا ..بابا رد عليا ببا باااابا ... بابا حبيبي رد عليا .... بابا باباااااااا بابا متعملش فيا كده ارجوك ...ارجوك متسبنيش بابا باباااااا ......

________________________

حلقة النهارده خلصت يا حلوين??

قراءة ممتعة❤❤..

#حورية الخيال??‍♀️?

يارا محمد ♥️