عشقي الوحيد

الفصل الرابع

رواية_عشقي الوحيد

بقلم_يارا_محمد

#حورية_الخيال

الفصل الرابع...❤

في المساء عند لميس في المنزل ...

نور : اتعينتي بقا وبقيتي دكتوره يا آنسه لميس وهتتكبري علينا ...

لميس : ههههه ... بقولك اي يا نور أنتي تسكتي خالص عشان مش اخدك قلمين ...

.. أنا هدخل أنام عشان اصحي بدري اصلاً المغرور ده يرميني من شباك المستشفي ...

نور : ههههههه والله وبقيتي تخافي يا ليسوو ...

لميس : أنا ...أنا اخاف ليه انشاء الله معاش ولا كان اللي يخوفني ..أنا بس يعني بحترم شغلي ...

شيماء : شاطره يا حبيبتي وسبيكي من البت دي هتضيعك ...

لميس : والله عارفه يا ماما انها ضايعه وهتضيعني فعشان كده مبسمعش هيا بتقول اي اصلاً ...

نور : بقااا كده ماشي ماشي يا لميس بكره اردهالك ...

لميس : هههههه ماشي يا نونو ونا مستنيه ...باي بقا هدخل انام ...

احمد : لميس استني كنت عايز اتكلم معاكي في موضوع ...

لميس : خير يا بابا في حاجه ...

احمد : امينه مرات عمك كانت هنا النهارده وبتكلمني في موضوعك انتي وسامر وفاتحتني تاني فيه ...

بس انا عايز اسمع رأيك الاخير ...

لميس : بابا ارجوك لسه بدري أوي علي الموضوع ده

احمد : لا يا لميس مش لسه بدري ولا حاجه انتي دلوقتي كبرتي وبقيتي عروسه والمفروض بقا تفكري في الموضوع وبعدين سامر شاب كويس والف واحده تتمناه وكمان بيحبك وشاريكي ...

لميس : يا بابا صدقني لسه بدري أوي علي الموضوع ده وكمان انا مبفكرش خالص في الجواز حالياً ...

احمد : يا لميس يا حبيبتي انا كبرت وعايز افرح بيكي قبل ما أموت وسامر أبن عمك بيحبك وهيخاف عليكي ...

لميس : بعد الشر عليك يا بابا اي اللي انت بتقولو ده ...

احمد : الأعمار بيد الله يا حبيبتي .... المهم قولتي اي ...

لميس بأبتسامه ليست من قلبها ...: اللي انت تقولو انا موافقه عليه يا بابا ...

بعد اذنكو بقا هدخل انام ...

نور : استني خديني معاكي ...

في غرفة لميس ونور ...

كانت تقف لميس.بالشرفه وبتفكر في الموضوع اللي والدها حدثها عليه منذ قليل ...هيا كلما حاولت أن تراه بوجهه جيده يوجعها قلبها وكأنه يمنعها ...

لميس : يااااارب بقا أنا تعبت ...أنا مش قادره افكر في حاجه يارب ارشدني للطريق الصح ...

***************

ومر يومان بدون احداث تذكر ...

في منزل لميس كانو جميعهم يجلسون ولميس تجلس بغرفتها وتنهي بعد العمل المتراكم عليها ...

ليأتي سامر ووالدته بهذا الوقت ...

ولدفت والدتها واخبرتها أنهم يريدون أن يقرأو الفاتحه الآن ...

لميس : ماما بجد أنا مش عارفه انتو مستعجلين علي اي ...

شيماء : يابنتي هوا جواز دي قريان فاتحه بس ...خودي بس العصير ده روحي قدميه ومش تتوتري كده

لميس اتن*دت بضيق ...

ورسمت ابتسامه مزيفه علي وجهها وخرجت لتقدم العصير. ...

لميس : السلام عليكم ...

الجميع : وعليكم السلام ورحمة الله وبركاته ...

كان ينظر سامر للميس بأعجاب وحب

وانتبهت لميس لنظراته ووضعت نظرها للأسفل لكي لا تتقابل عيونهم ...

ليمر الوقت ويتحدثو بأمور الزواج ويقرأو الفاتحه

وحددو معاد الشبكه وكتب الكتاب في يوم واحد بعد شهر فقط وهذا ما جعل لميس تجن ...

.....................

لميس : بابا أنت ازاي توافق أن الشبكه وكتب الكتاب بعد شهر ...

احمد : ياحبيبتي كتب الكتاب والشبكه بعد شهر ... بس الفرح بعديها بثلاث شهور يعني لسه بدري ...

وبعدين ياحبيبتي انا عايز افرح بيكي قبل ماموت ...

لميس : بعد الشر عليك

وتن*دت بضيق .انا واثقه انك هتختارلي الاحسن ونا مش زعلانه

أنا هدخل انام بقا اصلاً تعبت اوي النهارده ...

وتدلف لميس لغرفتها وظلت واقفه في الشرفه قليلا وبعد ذالك نامت علي فراشها لوقت أن آذن الفجر وصلته ونامت بعدها ...

***********************

في الصباح ....

دلفت نور للمبخ وهيا تستنشق رائحة الطعام مثل الجرو? : اي ده يا لميس ... عليا النعمه انا مشفتكيش عملتي كده لما الأهلي خد الصوبر الافريقي ...

لميس وهيا بتض*بها علي يداها : طب اطلعي من وشي بقا كده عايزه أخلص الفطار بسرعه عشان مش اتأخر علي الشغل ...

مالك : الله حماتي بتحبني أي ريحة الاكل دي ...

نور : لميس هانم عامله لينا فطار النهارده ...

(ليجلس مالك علي الرخام وكل دقيقة يمد يداه ويأكل من الطعام)...

لميس وهيا بتض*بو علي ايدو : تعرف لو مديت ايدك في الأكل هولع فيك هخلص الاول وبعد كده كل براحتك ...

شهد بضحك : شوفي أنا الوحيده اللي مؤدبه ومش بمد ايدي في الاطباق ازاي ...

لميس بأبتسامه : حبيبتي أنتي يا شوشو ...

مالك : قوليلي بقا ينفع تجيبي أكتر مني يبت انتي ونا اللي مفكر نفسي شاطر طلعتي دحيحه ...

لميس بغرور : طبعاً يابني انا محدش يوصلني ...

(كان يأكل مالك من الاطباق بدون أن تنتبه لميس?)...

لميس وهيا تلتفت وجدت مالك يأكل من الاطباق ...: اعاااااااا فين الاكل يبن المفجوعه ...

مالك بضحك : هيكون فين يعني اكيد كلتو ...

لميس وهيا تمسك السكين بيداها وتركض خلفه : وحيات أمي ماهسيبك ...ماشي يابن مها والله منا مخلياك تدخل المطبخ ده تاني خالص ...

نور : ههههههه والله ي مالك انت ملكش حل دنا بقالي ساعه عماله اخطط عشان اطول حاجه ومش عارفه ...

مالك : بطلي قر يبت البنت هتموتني ... ههههه اهدي بقا ياحجه الله يهدك هدتيني ...

نور : لوكاااا انسينا نقولك شبكة لميس وكتب كتابها بعد شهر ...

مالك بصدمه ...: اي !!...كتب كتابها ازاي .. ولمين ...

نور : هيكون لمين يعني اكيد سامر طبعا ...

مالك بحزن ...: وانتو وافقتو ...

نور : بقولك الشبكة وكتب الكتاب بعد شهر يعني اكيد وافقنا وكمان قرينا الفاتحه ...

مالك بحزن : اممم ... طيب أنا همشي أنا بقا اصلاً اتأخرت اوي علي الشغل ...

لميس : طيب استني هعمل أكل تاني وأقعد افطر معانا ...

مالك : لا بالهنا انتو بقا ... سلام ....

لتنظر له شهد بحزن ...

شهد : طب بااااي بقا ي جماعه عشان مش اتأخر علي الشغل ...

لميس : يا بنتي عشر دقايق والاكل هيكون جاهز ...

شهد :لا معلش بقا اصلاً هروح مع مالك وخيفاه يسيبني ويمشي ...مع السلامه يا قمراتي ...

************************

في المشفي ...

فريده : بتمني أن اليوم ده يعدي ومشوفش ابو طويله ده النهارده ...

لميس : ههههههه انا مش عارفه أنتي حاطه نقرك من نقرو ليه حتي قبل متعرفيه ...

فريده : والله أنا مش بقبلو من حتي قبل مشوفو ...

يزن : يساتر يارب مين ده ...

لميس بضحك : اهلاً دكتور يزن ...

يزن : اهلاً بيكي يا قمر ...

لتنظر له فريده بغضب ...

يزن : تصدقي يا آنسه لميس كان في واحده امبارح عايزه تفتح بطني عشان تثبتلي انها شاطره في شغلها شفتي اكتر من كده جنان ...

(لتبتسم لميس وهيا تعلم أنه يتحدث عن فريده)...

فريده بهمس : جن لما يلخبط خلقتك ياخي ...

ليقترب منها يزن قليلا ويهتف

: علي فكره صوتك طالع وياريت تحترمي نفسك عشان أنتي لسه مش شوفتي وشي التاني ...

لميس :احم احم ...أنا هروح اشوف شغلي بقا اصلاً الحالات كتير النهارده ...

يزن بابتسامه :اتفضلي ...

.. مش هتشوفي شغلك انتي كمان ولا اي يا انسه

فريده :ملكش دعوه بيا وبعدين متقوليش انسه دي تاني ...

يزن بدهشه :اي ده انتي مش آنسه ...

فريده بغضب : أنت قليل الادب أنا مقصدش كده أنا اقصد إنك تقولي دكتوره مش آنسه ...

يزن بستفزاز :ههههه دكتوره مره واحده دانتي حتي لسه مش اثبتي كفائتك عشان نقول دكتوره يا .. هههه آنسه ...

لتغتاظ فريده من حديثه ... وتدهس بقدمها علي قدمه بكعب الشوز خاصتها وتركض ...

يزن :اااااه يابنت المجنونه ...ماااشي ورحمة أمي منا سايبك ...

****************

بعد مرور عدة ساعات ...

(كانت لميس تتجول بالمشفي بعدما انتهت من كشوفات كثيره اليوم وكانت تمسك شيكولاته بيدها )....

وبينما هيا تتجول تصتدم بفتاه ما وتقع الشيكولاته علي ملابسها ...

البنت بغضب وصوت مرتفع : انتي مجنونه يا حيوانه أي اللي أنتي عملتيه ده ...

لميس : حيوانه !!... علي فكره أنتي اللي خبطي فيا مش أنا اللي خبطت فيكي ... يعني المفروض أنتي تعتزري مش تزعقي ...

مادلين : أنا اعتذر منك أنتي ...ليه مش شايفه نفسك ولا اي ....وبعدين أنتي وقعتي الق*ف ده علي اهدومي يا قذره أنتي ...

رامي بصوت مرتفع من خلفهم : في أي ..أي اللي بيحصل هنا ...

مادلين بتمثيل : البنت البيئه دي وقعت عليا شوكلاته وكمان بتشتم بطريقة بيئه جداً ...

(لتنظر لها لميس بدهشه علي كذبها ورامي لاحظ ذالك ..وهوا بالفعل رأي من المخطئ)...

لميس : أنا اللي شتمتك بردو ولا أنتي اللي كنتي بتشتميني وتهنيني ونا مقولتلكيش ولا كلمة .... بجد يا دكتور رامي أنا مش وجهتلها اي كلام لحد دلوقتي حتي ...

مادلين : اي هتكدبي كمان ...

لميس : لا أنا مبكدبش ومش هكدب عشان خاطر واحده زيك ...

رامي : بس كفايا ... مش ينفع اللي أنتي قولتيه ده يا مادلين ومتحاوليش تنكري عشان أنا شوفت كل اللي حصل ...واتفضلي اعتذري ...

مادلين : ايييه !!.... اعتذر من دي .... أنت اتجننت ولا اي يا رامي ...

رامي بعصبيه : ماااادلين أنتي انسيتي نفسك ولا اي .... لو حابه تفضلي هنا اعتذري حالا ... أو اتفضلي قدمي استقالتك ...

لتنظر بضيق فهيا تعلم أنه عندما يقول كلمه لا يرجع بها ...لتهتف بق*ف وهيا تنظر للميس : أنا آسفه ...

لميس بهدوء : حصل خير ... أنا كمان آسفه عشان وقعت الشكولاته علي هدو .. "ولم تكمل جملتها ووجدتها رحلت من أمامها ...

لتنظر لميس لرامي بأبتسامه هادئه : شكراً جداً عشان وقفت معايا وان ..

رامي مقاطعا ...: أنا موقفتش معاكي .. أنا عملت كده عشان مادلين مش تعيدها مع حد تاني ... ورحل ...

لميس : اي البني آدم ده ... بجد غريب أوي ...طب حتي يسبني اشكره ...

بس مش مصدقة معقولة الشخص اللي مش بيطيقني وقف معايا ...لا لا بجد حاسه ان في حاجه غلط واكيد ده كلو هيجي فوق دماغي ...

يزن : اي ده إنتي بتكلمي نفسك ...

لميس بشهقه : ينهار ابيض خضيتني ...

يزن بمرح :سلامتك من الخضه يا قمر ...

لميس: احم ... طيب انا هروح اشوف شغلي بقا ...

**************

عند مادلين ...

دلفت لمكتبها متعصبه جداً ...

مادلين بغضب : بقا الزباله دي رامي يخليني اعتذر منها ...انا مادلين الرفاعي اعتزر من الزباله دي ...

بس ماشي قريب أوي هتبقي بره المستشفي علي بعضها والله العظيم لخليه يطردك من المستشفي زي الكلبه ...

ماشي يا رامي انت بتفضلها عليا مش كده انا هخليك تكرهها وتطردها ...استني بس عليا يا حيوانه يا بيئه انا همحيكي من المستشفي علي بعضها ...

وجلست تفكر بشر ...

***********************

بعد مرور اسبوعين ...

مر اسبوعين والعلاقة بين لميس ورامي اصبحت هادئه ولم يكن مشاجرات بينهم بالفتره الاخيره وهذا ما كان يثير غضب مادلين وبدأت بالتخطيط لمكيده للميس ...

أما لميس فكان جميع تفكيرها بكتب كتابها الذي أقترب ...

شهد ومروان العلاقة بينهم بقت سطحيه وكل منهم يحاول أن يتجاهل الآخر ...

مالك أصبح حزين كلما أقترب موعد زواج لميس ...

***********************

في شركة مروان الشافعي ...

سهيله : شهد خدي الملفات دي وأعطيها للمستر مروان ...

شهد : اي !!أنتي عايزاني اروح للشر برجلي مانتي عارفه من يوم الموضوع اياه وهوا مش طايقني ...

سهيله : يابنتي خدي واعطيلو الملفات وخلاص وبعدين هوا شكلو ناسي اصلاً ... بس أنتي اللي مركزه اوي ...

شهد : طب هاتي وبطلي كلام كتير ...

(وأخذت منها الملفات وطرقت باب المكتب ودلفت لكن لم تجد احد لتضع الملفات علي المكتب وبينما هيا تخرج تصتدم بشخص ما وكادت أن تقع لكن تجده يضع يداه خلف ظهرها لكي لا تقع) ...

شهد بتوتر ...:آآ انا

ليشعر مروان ب*عور غريب وهيا هكذا بأحضانه ...ليبتعد عنها ويهتف بهدوء وهوا يحاول أن يتحكم بمشاعره ...:أحمّ .. انتي جايه ليه ...

لتبتلع جوفها وتهتف بتوتر : أنا كنت جايبه لحضرتك الملفات بس مش لاقيت حضرتك وسبتهم لحضرتك علي المكتب ...

ليبتسم مروان علي كمية حضرتك الذي هتفت بها ...

لتبتسم شهد بتلقائيه عندما تري ابتسامته ووسامته الطاغيه وعيناه الخضراء وخصلاته الذي تنزل علي جبهته

لتنتبه لنفسها وتهتف بتوتر : أنا ..أنا هتفضل أنا بقا ...

وهرولت للخارج ...

لينفجر مروان بالضحك علي طريقة حديثها وعلي منظرها وهيا مرتبكه هكذا ...

***********************

عند كارمن كانت تجلس وحدها بمطعم ما

وبينما هيا جالسه تجد سامر يدلف هوا وشخص ما ...لم تنتظر لتفكر وركضت بأتجاهه بلهفه وسعاده ...

كارمن بسعاده : سامر ...

سامر بأستغراب : اي ده كارمن ... عامله اى واي اللي جابك هنا ...

كارمن : لا أنا كنت جايه هنا اتغدي بس لقيتك هنا مصدقتش نفسي ...

الشخص الذي يجلس معه ويدعي ممدوح ...(هيبقي ليه دور كبير في الروايه بس مش حالياً خالص)

ممدوح : طب انا هسبقك بقا عايز حاجه ...

سامر : احم .. لا سلامتك اسبقني أنت وجاي وراك ...

ممدوح : تمام ...

سامر : انتي كنتي عايزة تقوليلي حاجه يا كارمن ...

كارمن : أيوه في .... في حاجه كان مفروض أقولها من زمان اوي بس خلاص جاه الوقت إني اقولها ...

سامر : احم ... اي هيا ...

كارمن وهيا تمسك يده بأبتسامه :اني بحبك ...

سامر : ك ..ك . كارمن اي اللي انتي بتقوليه ده ...

كارمن وهيا تتمسك بيداه أكثر : اي اللي بقولو يا سامر ...انا بقول الحقيقه بقول اني بحبك ...

سامر وهوا يسحب يداها ... : بس انا بحب لميس ...

كارمن بعصبيه : لميس . لميس . لميس ... انت اي حرام عليك طول عمرك بتفكر في لميس وبس وانا يا سامر ... انا فين، انا بحبك طول عمري بس انت عمرك ماحسيت بيا

ليه يا سامر لييييه ...

سامر : كارمن وطي صوتك الناس بتبص علينا ...

كارمن بسخريه : هههههه الناس ... يعني هامك الناس ومش هامك إني كل يوم بتعذب وأنا بحبك وأنت ولا عمرك فكرت فيا اصلاً

.. بس تعرف إني غلطانه فعلاً إني حبيت واحد أناني زيك "ورمقتو بأحتقار ورحلت ...

سامر : استني يا كارمن ..كاااارمن

ولتخطر بباله فكرة أن يستغل الموقف وينتقم من رامي لسبب سنعرفه لاحقاً ...

سامر وهوا يمسك يداها ...: استني يا كارمن ...

كارمن : عايز مني أي تاني يا سامر عايز تهيني وتجرحني تاني مش كده ...

سامر : كارمن أنا آسف علي اللي قولتهولك .... وأنا فعلا بقالي فتره بفكر فيكي وحاسس أن في مشاعر في قلبي اتجاهك ...

كارمن بلهفه ...: أنت بتتكلم جد ....أنت بجد بتحبني يا سامر ...

سامر بأبتسامه مزيفه ...: شكلي كده فعلاً حبيتك ...

كارمن بسعاده ... : وأنا بحبك أوي .. بحبك اوي يا سامر" والقت نفسها بأحضانه" ...

ليتفاجأ من فعلتها لكن يربت علي ظهرها بخبث ...

كارمن بعد ان ابتعدت عنه :احم ... انا اسفه بس من فرحتي ...

سامر : عادي يا حبيبتي ولا يهمك ...

كارمن بسعاده ...: حبيبتك ...

سامر بخبث :طبعاً ...

كارمن : طب مدام أنت بتحبني ليه كنت دايما بتبعدني عنك وليه عايز تتجوز البنت اللي اسمها لميس دي ...

سامر بضيق : ملكيش دعوه بيها دلوقتي يا كارمن وبعدين أنا قولتلك اهو إني بحبك ...

كارمن : طب هتتقدملي امتي ...

سامر : ايييه ...

كارمن : في اي يا سامر أنت مش ناوي تتجوزني ولا أي ...

سامر : احم ... لا طبعاً يا حبيبتي اكيد هنتجوز ...

بس مينفعش دلوقتي ...

كارمن بخوف ...: مينفعش ازاي مش فاهمه ...

سامر : مينفعش ان حد يعرف بعلاقتنا خالص دلوقتي لأن انا هتجوز لميس قريب ...

كارمن بغضب ...:يعني أنت بتضحك عليا ...منين بتحبني ومنين هتتجوز لميس ... أنا مش فهماك يا سامر أنت بتحبني ولا لأ ...

كارمن :لا يا حبيبتي أنتي فهمتي غلط .... انا لحد النهارده كنت مفكر إني بحب لميس بس اكتشفت اني بحبك ودلوقتي احنا قارين الفاتحه او خطيبتي بمعني اصح ومينفعش اسيبها عشان الناس مش يتكلمو عليها وهيا مهما كان بنت عمي ومرضاش ان حد يتكلم عليها ... يعني انا هتجوزها وبعديها بفتره هطلقها واتجوزك انتي ...

كارمن بغضب ...:طب بعد مطلقها بقا تبقا قولي أنا مش عديمة الاخلاق لدرجادي عشان الحق واحد متجوز وأحنا مش يربطنا اي علاقة واهو حضرتك مش عايز تتجوزني وهتروح تتجوز لميس هانم ...بعد إذنك ...

سامر :استني بس يا كارمن مين قالك إني مش هتجوزك ...انا هتجوزك ودلوقتي لو تحبي .... وبصلها بخبث ...:بس عرفي ...

كارمن : عرفي ...!!

سامر : لفتره بس وبعد كده هنتجوزك رسمي صدقيني ...

ورجع بصلها بأبتسامة خبث :ولوقتها مش هقربلك صدقيني وهنتقابل بس وانا قررت اتجوزك عشان مقابلاتنا متبقاش حرام ...

وبهذا الكلام قد اقنعها وبشده ...

كارمن : يعني بعد مهتجوزها هطلقها بعديها بفتره وهتيجي تطلبني رسمي مش كده ...

سامر بتلعثم : اه ..اه طبعاً بعد متجوزها وشويه كده واطلقها وهاجي اطلبك رسمي فوراً ...

كارمن : امتي بقا يا سامر انا عايزه اغمض عيني وافتحها الاقيك جوزي ...

سامر : دلوقتي حالا هتصل بممدوح يجيب عقد عرفي وتبقي مراتي ...

كارمن : لا يعني اقصد رسمي ...

سامر : متخافيش قريب اوي يا حبيبتي ...

وبعد قليل طلب ممدوح ...وبعديها وصل ممدوح ومعاه العقد ومضوه ...

سامر : مب**ك يا حبيبتي ...

كارمن : احم .. الله ايبارك فيك ...

سامر وهوا يقترب منها : بس أنتي اي الحلاوه دي ...

كارمن بتوتر : احم أنا اتأخرت اوي لازم امشي اصلاً رامي من وقت مجاه بقا بيراقب تصرفاتي خالص الايام دي ومركز معايا ...

سامر : يادي زفت اللي مش بخلص منو ده ...

كارمن : علي فكره اللي بتكلم عليه ده اخويا ... انا مش عارفه بجد انت بتكرهو كده ليه ...

سامر :ولا بكرهو ولا بحبو هوا بس مش بينزلي من زور ...وبعدين سبيكي منو دلوقتي انا مبسوط جدا انك بقيتي مراتي ...

كارمن بتوتر وارتباك :س . سامر انت وعدتني إنك مش هتقربلي الا لما نتجوز رسمي الأول ...

سامر :وانا عند وعدي يا حبيبتي ...بس انتي مراتي وقلتلك شويه كمان وهاجي اطلبك رسمي يعني مفيش اي مشاكل بس انا برضو عند وعدي ليكي ومش هقربلك الا بأرادتك ...

كارمن بتوتر ...:اي ده ياخبر انا اتأخرت اوي . سلام دلوقتي تبقا هقابلك في وقت تاني . اوك ... باي ...

سامر باي ..ماشي يا كارمن هنشوف هتهربي مني لحد امتي ...

_________________________

حلقة النهارده خلصت❤

#حورية الخيال