عشقي الوحيد

الفصل الأول

رواية_عشقي_الوحيد

#بقلم_يارا_محمد

الفصل الاول ...❤

بسم الله وندخل في الأحداث

~~~~~~~~~~~~~~~~~

نور : لميس ..لميييس ...

لميس : اممم ..نعم ..

نور بضيق ... : تصدقي أنا غلطانه اصلاً إني بصحيكي خليكي نايمه وإتأخري علي الانتر ڤيو بقا ... سلام ...

لميس بفزع : ايييه ..اه صح هتأخر الساعه كام ...

نور : الساعه 7 ياختشي ...

لميس : طب وسعي كده أما أخد دوش ...

؟؟ ...: اعاااااا انتي لسه هتاخدي دوش ...

لميس : هههههه اهدي يا فوفا يا حبيبتي لسه بدري ...

فريده بنت عم لميس : بدري اي هنتأخر يا بنت المجنونه ...

نور بهمس ...:وطي صوتك عشان المجنونه مش تيجي تشبشبلك ...

فريده بضحك ...: هههههه اه صح دنا لسه واخده شبشب وانا داخله عشان خضيتها ...

لميس بضحك : الصراحه تستاهلي ...

فريده : هنشوف دا بعدين ...ادخلي ابت يلا غيري الارنب اللي انتي لبساه ده ...

لميس بضحك ...: هههه حاضر ...

******************

احمد والد لميس : البنات صحيو يا شيماء ...؟؟

شيماء والدة لميس ...: اه أنا صحيت نور ..ونور دخلت تصحيها من شويه وفريده كمان جوا معاهم ...

أحمد : ربنا معاهم ...لميس شكلها متحمسه اوي للشُغل ...

شيماء : أكيد دا حلم عمرها ...ربنا معاهم ويتقبلو يارب ...

احمد : يارب ...

نور : ماما ماما ...

شيماء : عايزه ايه يا مطلعه عيني ...

نور بأستعباط ...: والنعمه مجيت جمبها ...اتلاقيها هيا اللي طلعت لوحدها يا مامتي ...

شيماء : عايزه اي يبنت الجزمه اخلصي وبطلي هتفقعيلي مرارتي ...

نور بضحك وهمس ...: علي أساس اني لسه مفقعتهاش ...

شيماء : بتقولي اي يزفته ...

نور : بقول اي رأيك مروحش الجامعه النهارده وو...

شيماء وهيا تمسك السكينه ...: متروحيش فين سمعيني تاني كده ...

نور بخوف ...: مروحش اي هوا في حد قال مش هروح ...وسعي كده يماما هتأخريني علي الجامعه قال مروحش قال ...دايماً ظلماني كده يا مامتي دايماً ...

أحمد : ههههه اي ده نور بتخاف مش معقول ...

نور بهمس ...: أسكت يحج ربنا يخليك الوليه دي مجنونه ممكن تدبحني ...

شيماء : بتقولي إيه يبت ...

نور : هوا حد اتكلم ولا فتح بوئه ...

شيماء : اه بحسب ...

نور : طب اسيبك تحسبي انتي بقا وانا رايحه الجامعه .... عاوز حاجه يا حاج اجبلك شكولاته وانا جايه ...

أحمد بضحك ...: ههههههه يبت بطلي هبل بقا ...

نور : هبل ولا عبل هههههههه ...

شيماء وهيا تمسك الشبشب : أمشي يا هبله يا بنت الهبله من هنا ...

نور وهيا تركض : ههههههه سلام يا حاج ...سلام يا طنط أم نوووور ...

أحمد بضحك : مجنونه أوي بنت الايه ...

فريده : يا شوشوووو ...

شيماء : يبت بس بقا فضحتيني ...

فريده : أيه يا شوشو خليكي فرفوشه كده وسيبك من الشبشب اللي كل شويه تمسكيه ده ... أو علي رأي إيه يونس ..أبو وردة ... ?

لميس بهمس ...: ههههه خلاص بقا ماما هتطلع دخان من ودانها حرام عليكي ...

فريده : احم عايزين حاجه بقا إحنا هنمشي عشان مش نتأخر ...

أحمد : ماشي يا حبيبتي ربنا معاكو ويوفقو يارب ...

فريده : يارب يا ابو احميد يارب ...

اقتربت لميس من والدها وعانقته وقبلت رأسه ويده ...

لميس : عايز حاجه يا بابا ...

أحمد قبل رأسها بحنان وهتف ...: عايزك سالمه يا حبيبتي ...

لتقترب من والدتها وتقبل رأسها بأبتسامه ...

لميس : عايزه حاجه يا ماما ...

شيماء : عايزه سلامتك يا حبيبتي ...

فريده : طب مع السلامه احنا بقا ...

*******************

سامر أبن عم لميس :ماما أنا همشي بقا عشان اتأخرت ...

امينه أم سامر ... : ماشي يا حبيبي تروح بالسلامة ...

سامر :ماما عشان خاطري اتفاتحيهم تاني في الموضوع ...

امينه :برضو يا سامر ماسك في البت دي ... دنا مش بطيقها ازاي عايزني اجوزهالك انت ازاي مش شايف كارمن بنت خالتك بتحبك إزاي علي الاقل أحسن من البت المسهوكه التانيه دي ...

سامر بضيق :ماما انتي عارفه اني بحب لميس من وأنا صغير .... وبعدين هيا مش مسهوكه ولا أسمح لحد يقول عليها كده ... وبعدين كارمن دي أنا مش بحبها وأنتي عارفه اكويس ... وهيا مش تيجي حاجه قدام لميس لا في جمال ولا أخلاق ...

امينه :والله أنا مش عارفه اعمل معاك اي ... أنا اتعبت معاك والله ...

سامر :زي مقولتلك كلمي عمي بس وقوليله وهما اصلاً قالو لما تتخرج من كلية الطب دي ... واهو اتخرجت وكمان بتقدم علي شغل وأنا مش عايز حد يطلبها غيري وعشان يبقو عارفين إني عايزها ...

امينه :حاضر روح أنت شغلك وأنا هبقا اكلمهم ...

*******************

يوسف صديق رامي ...:أخيراً أفضيت لينا وشوفناك يعم رامي ...

رامي :والله القدر اللي زقني عليك مع اني مش عاوز اشوف خلقتك ...

يوسف :حبيبي والله واحشني يعم ...

رامي : لا والله امال مين كان معايا امبارح في المستشفي ...

يوسف :لا في المستشفي حاجه وفي النادي حاجه تانيه ...

رامي :طب سيبك بقا من الهبل ده وقولي حجزتلي ولا لأ ...

يوسف : حجزتلك يامعلم بس اوعا تسافر وتنسانا اصلاً والله اتلاقيني فوق دماغك هناك ...

رامي :يعني علي حسب ...بس امي واخواتي وحشوني اوي ...

وبعدين المستشفي كلها فوق دماغ وائل فهشيل عنه شويه بقا وانت خليك شايل هنا لحد مجيلك ...

يوسف :لا انا الدكتور قالي متشلش تقيل ..

رامي :لا يشيخ ...

يوسف : يوه يقطعني هوا انا مقولتلكش ...

رامي بضيق ... :يلا قدامي يالا ...

******************

كارمن اخت رامي ...: ماما انا عايزه فلوس ...

هاله والدة رامي ...: انتي مش لسه واخده امبارح مبلغ كبير وقبليه برضو ....أنا نفسي اعرف أنتي بتودي الفلوس دي كلها فين ...

كارمن : أنا مش لسه صغيره ي ماما عشان تسأليني باخدهم فين انا دلوقتي كبيره وليا حرية التصرف ...

هاله : وانا أمك ومن حقي أعرف أنتي بتودي الفلوس دي فين ...

كارمن : ي ماما خلاص بقا مش تقفليها أوي كده ...

هاله بتنهيده ...: حاضر يا كارمن أما انشوف اخرتها معاكي ...

كارمن : اخرتها فل انشاء الله هاتي بقا الفلوس ...

هاله :خودي يا كارمن واعرفي اني واثقه فيكي ... ها .. واثقه فيكي ..!!

كارمن :احم ... حاضر انا همشي بقا عايزه حاجه ...

هاله بتنهيده : عايزه سلامتك ...

وبعدما رحلت هتفت هاله بتنهيده : ربنا يهد*كي يا كارمن ويرشدك للطريق الصالح يا بنتي ...

~~~~~عند فريده ولميس~~~~~

فريده : ليسو إحنا بجد بعد شويه هنبقا دكاتره بحق وحقيقي ونلبس البلطو كده ونتأمر علي المرضي ونقولهم استنو دوركم ياااا كان نفسي اعمل كده من زمان اوي ...

لميس : ماخلاص يحجه أنتي شوفتينا قدمنا ولا وافقو وبعدين إحنا لسه متخرجين واكيد مش هيوافقو علينا علشان كده ... إلا إذا كانو عندهم نقص في عدد الاطباء ...

فريده : انتي بطمنيني ولا بتوتريني ولا إيه بالظبط ...

لميس : يا آآ ...اي ده استني دول بيتصلو ...

فريده : طب ردي عليهم بسرعه ...

لميس : الو ...

السكرتيره : الو ...انتي الانسه لميس ...

لميس بتوتر ...: آآ ..اه انا ...

السكرتيره : طيب يا انسه إحنا اتصلنا علي حضرتك علشان نقول إنك تقدري تيجي المقا**ه دلوقتي ...

لميس بسعاده ...:أوكي جايين حالاً ...

السكرتيره :لا حضرتك هتيجي لوحدك لأن احنا محتاجين دكتورة اطفال بس حالياً ...

لميس :انا آسفه أنا مش هقدر اجي المقا**ه دي ...

السكرتيره بأيماء ...:تمام ...

فريده :أنتي مجنونه يبت ...يعني ولا أنا ولا أنتي ...

لميس :لا يشيخه ..أنتي عيزاني أشتغل في مكان معرفش فيه حد خالص ...لا وكمان أنتي مش تكوني معايا ده في أحلامك ...

فريده : طب يلا نروح يا فقريه ...

لميس : ههههههه يلا يختي ...

******************

(عند رامي)

رامي : ها يا يوسف الطياره الساعه كام ...

يوسف : أي مستعجل ولا أيه ...

رامي : الصراحه آه ...دول تلات سنين والصراحه مصر وحشتني ...

يوسف بمرح : اه طبعاً دي مصر ام الدنيا ...دي حتي فيها الفتوش والبنتوش ...

رامي : مصر فيها فتوش وبنتوش? دا الظاهر دماغك هيا اللي فيها مطبات ...!!

يوسف : آه وانا بقول اي التظمير اللي في ادماغي ده ... اتاري العربيات مش عارفه تعدي من المطبات ...

رامي : عربيات وتظمير ...لا د أنتا حالتك حاله ... اظاهر معاملتك مع المرضي جبتلك هبل في ادماغك ...

يوسف : ميرسي ميرسي ..ده بس من زوقك ...

رامي : هههههه يارب صبرني ...أخلص يعم قول الطياره الساعه كام عشان أمشي من وشك ...

يوسف : الساعه ٣ يا ريص ...

رامي بجديه : تمام انا هروح دلوقتي علشان اجهز الشنط ...

يوسف : هوا أنت مش قولت لأهلك أن أنت راجع النهارده ولا إيه ...

رامي : لا عاملهالهم مفاجأه ...

يوسف :تمام انا هروح بقا اجهز كل الورق اللي عايز امضتك عشان تخلصهم كلهم قبل ماتمشي ...وبعدين أنا شكلي كده هحصلك علي مصر بعد فتره ...

رامي :تمام ...

****************

مساءاً عند لميس في المنزل...

كانت تقف لميس بالمطبخ وتعد الطعام ...

لميس :نووور ...تعالي حولي الأكل علي السفره معايا أنا خلصت ...

مالك :لا نور آخرها تاكل ...

لميس : اي ده مالك ....جيت امتي ...؟؟

مالك :لسه جاي من شويه وكنت قاعد مع ا****عه بره ...

لميس :طب حول بقا يا معلم ...

مالك : نحول ..منحولش ليه ...(وحمل الاطباق ووضعها علي السفره)...

**********************

أحمد : أي يا لميس مبتاكليش ليه ....

لميس : لا أنا شبعت خلاص مش قادره ....

مالك : وأنا كمان مع أن اللي يقعد قدام أكلك ده ميشبعش مش عارف ليه ... أكيد انتي حاطه في حاجه من بتاعت الادمان دي مش كده ...

لميس بضحك ...: ههههه لأ ....بس كان ممكن تختصر وتقول الأكل حلو وخلاص يا دكتور مالك ...

مالك بضحك وهوا يحك رأسه ...: ايوه الله ينور عليكي ...

نور : بقولكو اي متيجو نتمشي شويه الجو حلو اوي بره ...

مالك : آه ياريت متيجو معانا ياجماعه ...

أحمد : لا خد البنات وروح أنت إحنا مش قد المشي دلوقتي ...

مالك : طب يلا أنتي يا لميس ...

لميس : لا مش قادره أمشي ...

مالك :: يلا بقا يا بنتي اصلاً منروحش خالص ...

أحمد : روحي معاهم يا لميس ...روقي علي نفسك شويه ...

لميس بتنهيده وهيا تبتسم بهدوء ...: أوكي .. يلا يا مجانين ...

*****************

في ڤيلا الشافعي ...

هاله : اومال فين سلمي يا جومانه ...

جومانه : بتلعب بره في الجنينه يا ماما ...

هاله : ماشي يا حبيبتي هوا وائل هيتأخر في المستشفي النهارده ...

وائل : سامع حد بيجيب في سيرتي ...

هاله : هههههه في خير يا حبيبي ...

وائل وهوا بقبل رأسها :انتي كل الخير يست الكل ...

سلمي : بابااااا ...

اعرفكو بقا علي جومانه وسلمي الاول ...

( جومانه 30 عام طويله القامه وجسم متناسق بشرتها بيضاء وشعرها اسود حرير وعينيها بني فاتح تحب وائل بشده وهيا من عائله غنيه لكن متواضعه وطيبه القلب بشده ...

سلمي بنت وائل وجومانه تبلغ من عمرها ثلاث سنوات ونص فتاه جميله وبشده شعرها اسود مثل والدتها وعينيها زرقاء مثل والدها ...

وائل : حبيبت بابا يناس اي القمر ده ...

سلمي : انت اللي امل ...( انت اللي قمر)...

وائل : ههههههه دي امك عمرها مقالتها والله ...

جومانه : لا والله يعني انا مش بدلعك يا أستاذ وائل ...

وائل : اي ده مين ا****ر اللي قال كده ...

جومانه : ههههه أنت ...

وائل : اي ده انا احمار .... مكنش العشم يا جوجو ...

جومانه ببرائه ...: لا والله يحبيبي انت اللي قولت ... انا مقولتش كده ...

وائل : ههههههه اي البرائه دي يناس يخربيت كده ...

جومانه بتذمر : علي فكره بقا أنت رخم ...

وائل وهوا يضحك بشده :ههههه اي الشفتوره دي ...خلاص ياستي آسف حقك علي راسي يقلبي ..ليقترب منها ويضمها لص*ره بحنان ويميل قليلا ويقبل بطنها

وهتف بحب : حبيب بابا ده عامل ايه ...

جومانه : عمال يخبط في بطني من الصبح عامل زي ميكون بيلعب مصارعه ...

رامي : طالع لأبوه طبعاً ...

هاله بدهشه وسعاده : رامي ...

رامي بأبتسامه ...: ست الكل ..

واقترب منها بأبتسامه واحتضنها ...

هاله : أنا مش مصدقه عيني أنت جيت امتي ...

رامي : لسه جاي حالاً من المطار علي هنا علطول مغيرتش حتي ...

هاله بفرحه ودموع : حبيبي وحشتني أوي يا رامي دي كلها غيبه نهون عليك كل ده مش تشوفنا ...

رامي : لا والنبي بلاش دموع أنا هفضل قاعدلك هنا علطول بس بلاش الدموع دي ...

هاله : أنا مش هخليك تسافر تاني أبداً ...

رامي : هههه انشاء الله ...

وائل : أي يعم مش هتسلم عليا ولا إيه ...

رامي : هوا ده كلام برضو ، واقترب منه واحتضنه ...

وائل : اي يعم روحت انشهرت اهناك ونسيتنا ...

رامي : ههههه هوا انا اقدر انساكو برضو دنتو في الحته الشمال ...

وائل : هوا متهيألي الحته الشمال دي فيها المراره مش كده ...

رامي بضحك : انت متأكد انك دكتور جراحه ...

وائل : والله دي بتيجي معايا بالبركه كده ...

جومانه بتذمر : في ايه يا رامي انت انسيتني ولا إيه ...

رامي بأبتسامه : اي ده هوا انا اقدر برضو ...لابد ان اطلق سلامي سيدتي ...

(ليميل بظهره قليلا ويقبل يداها)...

جومانه بتذمر : أي يارامي الطريقه الاوڤر دي ...أنا لسه صغيره علي فكره يعني مش عجزت عشان تبوس أيدي ...

رامي : ههههه اوڤر أي بس دي طريقه حديثه ...

وائل : يعني شغاله اقدر اسلم بيها أنا كمان ...

رامي : هههه شغاله ياسيدي ...

واقترب من ابنة أخيه الصغيره سلمي وحملها وهوا ينظر لها بأبتسامه ...

رامي : حبيبت عمو ...

سلمي بحماس : انت عمو لامي اسوفه عل الاب ثح ...(انت عمو رامي اللي بشوفو علي اللاب صح)...

رامي : ههههه صح ...

سلمي : انت امل اكتل مبابا ... ( انت قمر اكتر من بابا) ...

رامي بضحك : مين امل دي كمان ...

جومانه : ههههه بتقولك أنت قمر أكتر من بابا ...

رامي بضحك : ده أكيد ياحبيبتي أنا أحلي من بابا بكتير ...بابا راحت عليه خلاص ...

وائل : راحت علي مين يعم دنا البنات في المستشفي بتشوفني بتجري ورايا من حلاوتي دي كفايا عنيا اللي بتسحرهم ...

جومانه : اه اه وأيه كمان ...

وائل : احم لا ياحبيبتي دا أنا بهزر بس ...

رامي : ههههه طب اسيبكو أنا بقا وأروح اغير هدومي تكونو خلصتو خناق ...

وائل : اه يبن ال** .. انت لسه فيك الحركات دي ...طب والله لما تتجوز لعملها فيك ...

رامي : طب ليه السيره دي طيب ..هوا أنا ناقص ق*ف ...

وائل : اه والله في دي عندك حق ...

جومانه : لاااا والله وايه كمان يا دكتور وائل ...

رامي بضحك : أنا قولت اطلع وأنت مسمعتش الكلام ...

وائل بغيظ : انت جاي تقلبها فوق راسي ولا إيه ياعم انت ...

رامي بمرح : أنت لسه شوفت حاجه

... يلا بقا هدخل اغير هدومي انا ...

هاله : ادخل غير هدومك عقبال مجهز الاكل ...

رامي : حاضر يست الكل ..والله وحشني اكلك ...

هاله : طب يلا ي حبيبي هخليك النهارده تنسي اكل انجلترا دا خالص ...

رامي وهوا بيقبل جبينها : حاضر يست الكل

... وطلع ...

*****************

(سامر كان إتي من العمل ورأي لميس وهيا تمشي مع نور ومالك) ...

سامر : اي ده أنتو كنتو فين كده ...

مالك بأستفزاز ...: كنا بنتمشي ..عندك مانع ...

سامر نظر له بغيظ ...: بس أنا مش بسألك ...

نور بأستفزاز ...: بس مالك كان معانا ومن حقه أن هوا يجاوب ...

لميس : إيه ده، في إيه اهدو ...

سامر وهوا ينظر للميس بأبتسامه : عامله إيه يا لميس ...

لميس ابتسمت بمجامله : انا الحمد لله وأنت ...

سامر : انا بخير طول مانتي بخير ...

لميس : احم ... طيب تصبح علي خير ...

سامر بابتسامه ...: وانتي من اهلي ...

لتخفض لميس رأسها بتوتر وأيضاً بضيق لأنها لا يعجبها هذه التلميحات السخيفه الذي يفعلها ...

بينما مالك تضايق بشده من جملته ...

ورحل بدون أي جمله

ليستغرب كلا من لميس ونور من فعلته هذه وأنه قد رحل بدون أن يقول لهم شئ ...

_________________________________

انتظروني بالفصل الثاني♥♥

#بقلم_يارا_محمد