DAY OFF ni Charlyn at napagpasyahan niyang pumunta ng Adonis’ Fitness Center para simulan ang ‘pagpapalakas’ ng katawan. Actually, napag-isipan niyang gawin iyon hindi lang dahil sa iyon ang inirekomenda ni Lester, kundi para na rin sa sarili dahil na-realize niyang gusto niyang lumakas, maging fit and healthy ba at para may panibago ring routine. Nang mag-text si Lester na pumunta na lang siya doon sa gym ay hindi na siya nagdalawang-isip. Kumpleto na rin siya ng outfit dahil namili muna siya sa mall, pero pagkarating niya doon sa gym ay parang gusto niya nang mag-back-out.
Tanaw sa double glass door kung gaano karami ang taong naroon sa loob ng gym, at pagkapasok niya ay instantly nakaramdam siya ng ng hiya. Hindi naman siya introvert, kaya lang ay mukhang mga expert na ang mga naroon,
