♞♟♜♚
Nakaupo si Dexter sa harap ng mga computer at kaniyang laptop habang inaayos ang isang piraso ng microchip na kaniyang pinasok sa isang head gear.
Maingat niyang pinalitan ang laman ng head gear na hindi malalaman ng kahit sino man, inayos niya ang bawat parte ninto at ngumiti nang matapos ang kaniyang proyekto.
Inilapag niya ito at inilagay sa isang kahon, muling bumalik sa harap ng kaniyang computer sabay ayos ng kaniyang makapal na salamin at inom ng kaniyang kape.
Isang gabi na naman ng walang tulog, alam niyang kailangan niyang tapusin ang mga bagay na 'to na maaaring makatulong kay Reo at mapabilis ang paglabas nila sa loob ng game.
Ngunit bago niya pa mapindot ang keyboard para sa pagpo-program ng panibagong cheat dungeon para naman sa ibang players ay biglang bumakas an
