♞♟♜♚
Sumapit na ang madaling araw at karamihan ng mga tao sa loob ng guild ay nagpapahinga na, marami sa kanila ang lasing, humihilik at 'yung iba ay tinamaan na ng matinding antok. Samantalang si Reo ay hindi na makaramdaman ng ano mang pagod at antok sa kaniyang katawan, ngunit hindi niya maitatanggi na mas napapagod ang kaniyang isip kawalan ng pahinga.
Tila ba ilang buwan ng napapagod ang utak niya, alam nyang gising ang diwa niya sa totoong mundo at napapagod na ang kaniyang isip dahil sa wala itong pahinga at hindi siya dinadalaw ng antok.
Hindi niya rin alam ang dahilan bakit hindi na siya makaramdaman ng pagod at antok sa loob ng game na ito, kailangan niya kasing maging alerto sa lahat ng pagkakataon noong nasa cheat dungeon pa lamang siya at ngayon ay na adopt na ito ng katawa
