Sabay na nagtungo si Carmela na kasama si Eli at Dave sa restaurant nang umagang iyon. Maaga pa lamang ay binulabog na siya ng tawag sa cellphone ng kaibigan na si Eli kaya naman wala na siyang nagawa at napilitan na bumangon nang maaga.
"Ano'ng nangyari sa'yo kagabi?" tanong ni Eli sa kanya habang naglalakad sila pagkuwan. Nakakapit ang braso nito sa kanyang nobyo.
"Hah?! W-wala! Nang iwan niyo ako'y bumalik na rin ako sa kwarto ko. Wala naman akong kasama. Nakakainip." Hindi makatingin na wika niya rito.
"Ganoon ba? Pasensya ka na talaga ha." Kumalas ito sa pagkakahawak sa nobyo at huminto sa paglakad. Niyakap siya nito. "Sumakit na rin kasi ang ulo ko kagabi."
"Oo. Ayos lang." Tinapik-tapik niya ang balikat nito. Na-touch siya sa yakap nito sa kanya. Nagpapasalamat talaga siya sa
