“Regina! Tulungan mo ako, bakit ako may ganito?” humahagulgol si Vionne sa labis na pighati sa nangyayari sa buhay niya ngayon. Hindi niya akalain na ganito kalupit ang lalaking hinahangaan niya noon.
Ang natitirang pagmamahal niya sa asawa ay tuluyan ng naglaho, napalitan ng galit at poot sa kanyang dibdib.
“Mam Vionne, huwag kang mag panic. Ssssh! Here, inumin mo ito.” inabot ni Regina kay Vionne ang isang tableta ng gamot.
“H-Here? Sino ka? Bakit labis ang concern mo sa akin?” nagduda si Vionne sa katulong dahil bigla itong nagsalita ng English. Tinabig niya ang kamay nito, mabuti na lang at hindi tumilapon kung saan ang tableta.
Dahil sa labis na pagtitiwala niya kay Alex at sa ginawa nito, tuluyan na siyang nawalan ng tiwala kahit kanino.
“Ayoko! Isa ka pa! Lahat kayo! Manloloko
