“Mr. Mondragon, mabigat ang kaso ng iyong asawa. Frustrated murder at ang kasong ito ay non bailable.” nakatitig sa kanya ang pulis na may hawak sa kaso ni Vionne. “Malakas ang ebidensya at nahuli siya sa akto. Maging mga fingerprint ay kanya.
Luminga-linga si Alex sa paligid ng opisina. Lahat busy at kaunti lamang ang tao.
“Magkano?” walang gatol na tanong ni Alex sa pulis.
Sumandal ito sa upuan. “Si Mrs. Estella Mondragon ang nagsampa sa asawa mo.”
“Ang tanong ko sa‘yo, magkano?” diin ni Alex sa tanong niya.
Alam niyang sinuhulan ng ina ang mga pulis upang idiin ang asawa sa kaso at naniniwala siya na hindi ito magagawa ni Vionne.
Pabor siya sa hangarin ni Vionne na mabuntis siya ni Aldrin. Kaya nga lihim niyang hinayaan ang asawa kahit masakit ito sa kanyang loob. At kapag nangy
