LESSON 25
“Paranoid”
“OH MY, GOD! Anong nangyari sa pisngi mo, Benj?” Nag-aalalang tanong ng mommy ni Benjamin sa kanya nang dumulog siya sa almusal. Nakita kasi nito ang mahabang sugat sa kanyang pisngi na gawa ng misteryosong tao na umatake sa kanya kagabi.
Pinilit niyang magpaka-kaswal nang sagutin niya ito. “Wala ito, mommy. Naaksidente lang ako sa kusina kagabi nang kumuha ako ng tubig.” Pagsisinungaling niya. Hindi siya tumitingin sa mata nito dahil alam niyang malalaman nito na hindi siya nagsasabi ng totoo.
Ayaw niyang ipaalam sa mga magulang niya na may nagtatangka sa buhay niya dahil ayaw niyang mag-alala ang mga ito sa kanya at ayaw din niyang madamay ang mga ito. Mag-isa niyang aalamin kung sino ba ang taong iyon saka siya kikilos. Ang talagang magagawa na lang niya sa ngay
