NANG MAIHIGA ko na si Joshua ay agad itong yumapos sa akin. Bigla ko tuloy naalala si Nikko noong medyo bata-bata pa iyon. Ganito rin iyon kapag matutulog na kami. Akala mo laging iiwanan kung makayakap.
Banayad kong hinahaplos-haplos ang buhok nito para makatulong sa agaran niyang pagtulog. Ilang minuto ang lumipas ay nakapikit na rin ako at ninanamnam ang katahimikan ng buong lugar.
"Ate, do you find me handsome po?" biglang tanong ni Joshua sa akin.
Muli kong idinilat ang aking mga mata. Akala ko ay tuluyan na itong nakatulog pero mukhang gising pa nga rin ito at nakapikit lang.
Napangiti naman ako. "Oo naman. Bukod doon, you are so cute too," sambit ko sabay pingot nang marahan sa ilong nito. "Akala ko ba matutulog ka na?" pabiro kong tanong.
Napatawa pa ako nang marinig ko ang p
