MATAPOS ng tagpong iyon ay pumasok kaming muli sa loob para asikasuhin ang mga lulutuin ni nanay. Nagpaalam sa akin si JD na pupuntahan muna ang kaniyang lolo para ito naman ang tulungan. Hindi naman ako tumutol dahil wala rin namang kaso sa akin dahil mababait naman sina Nanay at Tita Lori. Saka hindi ko rin naman kailangan na laging nakadikit kay Dale lalo na't may mas kailangan siyang unahing gawin. Bisita man ako pero ayaw ko rin naman nang ganoon na halos wala akong gagawin dahil nakakahiya naman iyon.
Naiwan kami pansamantala ni Nanay dahil aasikasuhin lang daw sandali ni Tita Lori si Joshua dahil hindi na muling lumabas ang bata at baka kung ano na ang mga pinaggagawa.
"Sige na, Nika, iha. Magpahinga ka na muna. Alam kong pagod ka pa dahil sa biyahe," sabi sa akin ni nanay habang
