NANDITO kami ngayon sa loob ng kotse ni Dale at kasalukuyang kumakain ng barbeque at isaw. May dala-dala na pala siya. Nag-ke-crave raw kasi siya kanina pa habang nasa trabaho kaya naisipan niyang bumili sa bangketa. Nakabukas ang mga bintana ng sasakyan niya at nakapatay ang aircon pero may maliit na electric fan naman na bukas ang nagsisilbing dagdag hangin ngayon para hindi kami pagpawisang dalawa.
Nakaka-dalawa pa lang akong kain pero siya ay nakakailan na. Mukhang siya ang makakaubos ng lahat dahil busog pa ako. Naubos ko kasi lahat ng anim na pirasong chocolate cupcakes kaya pakiramdam ko ay bloated ako ngayon.
Dale is really adorable. Hindi siya tulad ng ibang lalaki na mas pipiliin ang mga fancy restaurants knowing na marami siyang pera at ganoon din sa mga pinapatakbo niyang sar
