KINABUKASAN, agad kong inasikaso ang pagpapasa ng leave of absence sa HR namin. Tulad ng inasahan ko ay agad nilang tinanggap iyon at hindi na ako inintriga pa kung bakit. Tutal, nasa loob na rin naman ng mismong letter ko ang dahilan.
Sinabi pa nila sa akin na oras na rin naman daw para sa akin na mag-LOA. Mas'yado na raw akong workaholic na tao to the point na mukha ko na raw nakakalimutan na magsaya ng para sa aking sarili. Hindi nila alam na hindi ko naman na kailangan pa ng mga ganoon, dahil sapat naman na sa akin ang mga nangyayari sa buhay ko. Iyon nga lang, masaya nga ako pero walang bago sa dahilan ng saya ko. Kumbaga, ganoon at ganoon lang ang ginagawa ko. Hindi rin naman kasi malaking bagay sa akin ang tungkol diyan. Ang mahalaga, nagagawa ko ang mga bagay na alam kong dapat n
