NAKATANAW ako sa labas ng bintana at tinitingnan ang mga tanawin na nalalagpasan ng bus namin. Pasado alas tres na ng madaling araw kaya medyo may naaaninag na ako sa labas at hindi na rin ako dinalaw pa ng antok kaya hindi na ako nakatulog. Mas pinili ko na lang na ituon ang atensiyon sa mga nadadaanan namin.
Hindi ko na rin ginising pa si Dale noong nag-stop over ulit ang bus kanina. Mamaya na lang siguro kami mag-ka-kape. Tulog na tulog kasi ito kaya nag-alangan akong gisingin pa siya, mukha rin kasing pagod. Sino nga ba naman ang hindi mapapagod kung hindi lang iisang negosyo ang pinapatakbo mo? Ako nga na isang empleyado sa kompanya pagod na sa mag-hapong trabaho, ano pa kaya itong si Dale na mukhang kahit gabi ay may tina-trabaho?
Ikinumot ko na lang din ang jacket niya sa kaniya n
