MABILIS ang naging paglipas ng mga araw at ayaw ko man na aminin dahil hindi ko rin talaga mawari kung bakit hinahanap-hanap ko ang presensiya ni Dale. Kung dati, iniiwasan ko siya at ayaw kong mag-krus ang mga landas namin kabaliktaran naman sa ngayon. Siguro nga, maganda ang naging samahan namin noong mga panahong iyon kaya hanggang ngayon ay hindi pa rin ako nakaka-get over sa lalaki.
Mahigit isang buwan na rin kasi noong huli kaming magkasama at doon pa iyon sa kaniyang resort. Tatlong araw lang naman ang inilagi namin doon pero animo'y ang dami na naming ginawa nang magkasama ni Dale. Sa tatlong araw na iyon kasi ang dami niyang sinabi at ipina-realized sa akin. Ang dami kong natutunan sa lalaking iyon.
"Alam ko na kung saan banda itong letseng coffee shop na ito. Pahirap amputek!"
