PAGKAPASOK ko pa lang ay tanaw ko na agad ang pigura ni Vina habang sumimsim sa iniinom nito. Nakasuot ito ng corporate attire at mukhang galing lang din sa trabaho bago dumiretso rito.
Dagli niya akong napansin kaya binaba na niya ang tasang hawak-hawak habang may nakatagong ngisi sa mga labi. Napairap naman ako kaagad. Pagkaupo ko ay napansin ko na ang kapeng nasa tapat ko at mukhang um-order na siya kanina ng para sa akin.
Hinagod ko pa nang bahagya ang tasa at pinakiramdaman kung mainit pa ba o sakto na. Mukha namang bearable na ang temperatura nito. Alam naman kasi nila na kapag um-o-order ako ng kape ay pinapalamig ko pa ito nang kaunti hanggang sa kaya ko ng mainom. Mukhang sakto lang ang dating ko.
"Thank you rito," ngiti kong wika kasabay nang paghigop. Napatango-tango pa ako d
