EVERYTHING went back to normal. Nakauwi na kami ni Dale buhat sa Bicol. Halos isang linggo na rin ang nakalilipas simula ng bakasyon na iyon at ngayon ay balik trabaho na akong muli. Umabot din kami ng tatlong araw doon at masasabi kong isa 'yon sa mga unexpected yet memorable memories para sa akin. Simpleng pamumuhay pero hahanap-hanapin mo pa rin sa huli.
Ang dami ko ring naranasan doon lalo na ang mga palaro pagsapit ng gabi sa tapat ng bahay nila Dale. Si Dale ang halos kakampi ko kapag nasasali kami sa iba't ibang klase ng laro. Nagkantahan at nakipag-inuman din si Dale pero hindi naman siya gaanong nalasing. Nahihiya naman daw siyang tumanggi gawa ng minsan na lang naman siya kung maglagi sa kanila kaya pinakisamahan na niya. Nakakatuwa dahil buhay na buhay ang piyesta sa kanila. D
