NATIGIL ako sa pagsusuot ng damit pang-itaas nang makarinig ako nang marahang katok sa pinto.
"Nika, tapos ka na ba?" tinig iyon ni Dale.
"Teka, nagbibihis pa ako, Dale," tugon ko.
"Sige. Papasok ako," pang-aasar nito habang tumatawa kaya naalarma ako bigla.
"Dale, ano ba!" saway ko rito.
"Joke lang," natatawang sagot niya sa akin.
Mabilis kong isinuot ang sando at sinundan ko nang pagsuot ng jacket. Naka-short lang din ako na may sapat na haba. Inaya kasi niya ako na maglakad-lakad ngayong hapon dito sa bayan nila. Sinabi niya pa sa akin kanina na inunahan lang siya ng Lola niya na ayain ako dahil binalak niya na rin daw talaga iyon.
Nang matapos ako ay agad rin naman akong lumabas ng kuwarto. Namataan ko pa itong nakasandal sa pader kung saan malapit lang din siya sa mismong pin
