"LET'S go, hon. Huwag na nating sayangin ang oras natin sa mga iyan. May date pa tayo, remember?"
Saka lang mabilis na kumalas mula sa pagkakayakap ni Marsean si Jianna nang marinig niya ang tila nang-aasar pa na sabi ni Carmen.
Nanlalabo pa rin ang kaniyang mga mata dahil sa dami ng luha nang harapin niya ang babae. Nakakaloko pa itong ngumisi sa kaniya na para bang naisahan siya.
Demonyita talaga!
Balak na naman niya sanang sugurin ito pero maagap sa pagpigil sa kaniya si Marsean.
"Jianna, huwag na. Sasayangin mo lang ang oras mo sa kaniya."
Dahan-dahan na lumipat ang tingin niya kay Luther kahit hindi naman ito nakatingin sa kaniya. Lalong dumami ang mga luha na umagos mula sa kaniyang mga mata. Hindi niya matanggap na parang wala na rin itong pakialam kahit may ibang lalaki an
