"LUTHER!" Mabilis na napatayo si Jianna dahil sa malaking bulto ng katawan ng lalaking nakatayo sa harapan niya.
She thought it was Luther.
Akala niya ay nahimasmasan na ito at gusto na siyang suyuin.
Pero nalaglag ang balikat niya sa pagkadismaya nang malamang hindi ang nobyo ang humawak sa balikat niya. Hindi ito ang dumating para damayan siya at pagaanin ang bigat na nararamdaman niya.
"Marsean? Ano ang ginagawa mo rito?" sa halip ay nagtatakang tanong niya sa lalaki kasabay ng pagpunas niya ng mga luha.
Napakurap-kurap pa siya sa pag-aakalang namalik-mata lang siya. Paano naman kasi nakarating sa Quezon Province ang lalaking ito?
"Hindi mo ba alam na viral ka na ngayon sa social media dahil sa ginawa sa'yo ng Luther na iyon? Nag-alala na rin ang Papa Robin mo kaya gusto sana ni
