"NASABI ko na ang dapat mong malaman kaya puwede ka ng umalis," pagtataboy nito sa kaniya kaya nanigas siya sa kinatatayuan niya.
Luhaan na napailing si Jianna. Gusto niyang isipin na panaginip lang ang lahat ng iyon. Ngunit kahit sa panaginip ay batid niyang hindi siya kayang pagtabuyan ng nobyo.
"H-hindi ko alam kung ano ang nangyayari, Luther. Pero naniniwala ako na hindi mo sasabihin sa'kin ang mga salitang iyan nang walang dahilan. Mahal na mahal kita. At hindi ko kayang mawala ka."
"Iyan ang dahilan kung bakit biglang nagbago ang isip ko na pakasalan ka, Jianna. Kasi masiyado kang madrama," sarkastikong sagot nito. "Don't worry. Dahil kung si Gale ang iniisip mo, hindi ko pababayaan ang responsibilidad ko sa kaniya. In fact..." May kinuha ito sa drawer. Isang cheque. "Here. Gani
