ISANG BUWAN na rin na punong-puno ng sigla at saya ang buhay ni Luther dahil sa kaniyang mag-ina. Wala siyang kapaguran na inaalagaan sina Jianna at Gale, lalo na kapag walang pasok.
Nasanay na nga siya na siya ang nagluluto kapag Sabado at Linggo. Pati sa mga araw na dapat ay pahinga niya tulad ng mga holiday. Pati sa pagliligpit ng kuwarto nila ni Jianna at ng kanilang anak ay nakasanayan na niyang gawin. Tila hindi na siya nakakaramdam ng pagod gaano man karami ang trabaho at stress sa kumpanya.
Sunod-sunod kasi ang problema na sumulpot nitong nakalipas na buwan. Tulad na lang ng pag-back out ng ibang investors. Pero hindi na lang niya sinasabi kay Jianna para hindi ito mag-alala.
Gusto kasi niyang iparanas sa kaniyang mag-ina kung paano siya mag-alaga. Katulad ng pag-alaga niya no
