“PA, utang na loob, sabihin n’yo na ho sa’kin. Ano ang ginawa n’yo kay Luther?” umiiyak nang pagsusumamo ni Jianna sa kaniyang ama nang makarating sila sa bahay nila sa Cebu gamit ang private chopper na pag-aari ng kaniyang papa.
Ayaw niyang mag-alala pa si Gale kaya sinubukan niyang maging kalmado habang nasa biyahe sila. Kailangan niyang libangin ang anak dahil walang tigil din ang tanong nito tungkol sa ama nito. Napilitan na rin siya na ipakilala ang lolo nito dahil panay ang tanong kung bad guys daw ba ang mga kumuha sa kanila. Para lang hindi makaramdam ng takot ang anak.
Pagdating nila sa bahay ay agad niyang dinala sa dating silid si Gale para makapag-usap sila ng kaniyang ama.
“Pa! Nasaan nga si Luther? Ano ang ginawa mo sa kaniya?” halos pasigaw na tanong niya uli dahil hind
