LUTHER carefully wrapped Jianna's injured ankle with a towel filled with ice. Hindi ito pumayag na hindi magamot ang paa niya bago sila matulog ng gabing iyon. Pagkatapos nilang magtanghalian kanina ay ginawa rin nito iyon.
Kaya nga ramdam ni Jianna na medyo lumuwag na ang pakiramdam niya.
"Magpahinga ka na. Gagamutin uli natin bukas," mahinang saad ni Luther nang matapos ito sa ginagawa.
"Thank you," sinserong sagot ni Jianna.
Ngumiti lang sa kaniya si Luther bago ito tumayo at ibinalik sa kusina ang mga ginamit nito.
"Saan kaya ako matutulog?" tila wala sa loob na tanong ni Jianna sa sarili nang mapag-isa siya.
Okay naman siya sa sofa. Kasya lang naman siya roon. Ang problema, may kalikutan siyang matulog kung minsan. Nag-alala siya na baka mahulog siya at mapasama pa lalo ang in
