NAKATULALA si Jianna sa labas ng bintana ng sasakyan habang pauwi na sila ni Marsean sa Los Angeles.
Ang haba na ng biyahe nila at ang dami na nilang nadaanan. Ngunit tila hindi nakikita ng mga mata niya kahit ang matatayog na gusali. Magulo ang isip niya, ang puso niya.
Tila nandidilim ang paningin niya dahil sa galit, takot at pag-aalala na nararamdaman niya sa mga oras na iyon.
Galit dahil sa kauna-unahang pagkakataon ay ginamit at dinamay ni Marsean ang mga anak nila sa away nila. Takot na baka alam na nito ang tungkol sa kanila ni Luther at tuluyan na nga nitong ilayo ang mga bata.
At pag-aalala naman para sa lalaking tunay na minamahal. Baka sundan siya ni Luther sa Los Angeles at kung ano ang gawin dito ng kaniyang asawa.
Bakit ba niya ginawa kasi iyon? Bakit siya nakinig s
