SANDALING INIWAN ni Jianna ang paglilinis sa kuwarto nila ni Luther nang marinig niya ang malakas na pagtunog ng kaniyang cellphone. Inakala niya na si Gale iyon dahil sinabihan niya ito kanina na mag-call back kapag nakauwi na ito galing sa eskuwela.
Pero magkahalong pagkadismaya at galit ang naramdaman niya nang makitang numero ng kaniyang asawa ang lumabas sa screen.
Sa inis niya, hindi muna niya sinagot iyon. At wala na talaga siyang balak na kausapin ito kung hindi lang ito nangulit nang nangulit.
“Where the hell are you, Jianna? Bakit ang sabi sa’kin ni Margarita, hindi pa raw kayo nagkikita? She didn’t even know na nandito ka pala sa New York.”
Nakagat ni Jianna ang ibabang labi dahil sa galit na nabanaag niya sa boses ng kaniyang asawa. Matatanggap niya ang galit nito dahil gu
