"Wala munang makakaalam nito, naiintindihan ny'o?" mariin na sabi ni Hepe.
Nagtanguan ang mga kausap niya—dalawang lalaking nurse na mula sa Daigdigan Hospital at kasalukuyan nilang ipinapatong sa stretcher ang bangkay ni Father Dacayman. Nasa sala sila ng kubo at naroon din ang coroner, ka-edaran ni Hepe at matagal na niyang kakilala, at ginagawa ang kanyang report. Nakabantay si SP04 Rosales at Brother Paul sa tabi.
Pasado alas-tres ng Hapon nang inilabas ng bahay ng mga nurse ang stretcher at ipinasok sa ambulansya.
"Edmund..." tawag ng coroner.
Nilapitan ni Hepe ang coroner na ipinasa sa kanya ang hawak nitong clipboard na may nakaipit na mga papel.
"Ano'ng tingin mo, pare?" tanong ni Hepe.
"Tulad ng sabi mo, heart attack," sagot ng coroner, at kaswal na binigay ang bolpen kay He
