Chapter 1 - THE MAID AND THE MAFIA
“ Hubarin mo ang suot mo ngayon din Joan! “
Ang boses ni Tory Geller parang bakal na kinaladkad sa semento. Malamig, magaspang, walang biro. Nakatayo siya sa gitna ng madilim niyang opisina. Ang anino ng malaki niyang katawan, parang lalamunin ang buong silid. Hawak niya ang baso ng whiskey, habang ang kabilang kamay ay dahan-dahang kinakasa ang gintong baril.
Huminto si Joan Anzures sa pag-aayos ng bulaklak sa plorera. Dahan-dahan siyang lumingon. Ang hubog-gitarang katawan niya, hapit na hapit sa maid uniform. Parang bawat hibla ng tela, nagmamakaawang bumigay.
"Agad-agad, Ser?" Nakakalokong ngiti ang sumilay sa mala-dyosa niyang mukha. "Hindi ba pwedeng mag-dinner muna tayo? Masyado kayong mabilis, para kayong laging hinahabol ng pulis... ay, Mafia nga pala kayo, palagi nga pala kayong hinahabol."
"Hindi ako nagbibiro!" Hinampas ni Tory ang mesa, tumalsik ang ilang patak ng alak. "May dugo ang uniform mo, Joan! Dugo ng lalakeng binaril ko sa harap mo kanina! Bakit hindi ka man lang sumigaw? Bakit hindi ka tumatakbo palayo sa akin?!"
Lumapit si Joan. Hindi siya nanginginig. Sa halip, pinitik niya ang dulo ng baril ni Tory na parang nagpapaalis lang ng langaw.
"Eh kasi po, Ser, sayang ang outfit ko kung tatakbo ako. Saka yung dugo? Akala ko po natalsikan lang kayo ng betadine habang naglalaro ng 'doctor-doctor' doon sa basement," inosenteng sagot ng dalaga. Hinawakan niya ang dibdib ni Tory, ramdam ang mabilis na t***k ng puso ng Mafia Boss. "Saka Ser, wag po kayong sumigaw. High-blood na naman kayo eh."
Hinawakan ni Tory ang panga ni Joan at inilapit ang mukha nito sa kanya. Ang init ng hininga ni Tory, dumampi sa labi ni Joan.
"Gusto mong malaman kung gaano ako kasama, Joan?" bulong ni Tory, nanlilisik ang mga mata sa pagnanasa at galit. "I am a mafia with a soul as black as coal. I could snap your neck right now and have my men bury you where no one will ever find you."
Imbes na matakot, hinaplos ni Joan ang balbas sa pisngi ni Tory.
"Kung papatayin niyo po ako, Ser, siguraduhin niyong sa sementeryo na may aircon ha? Ayoko pong pagpawisan habang multo na ako. Pero bago yun..."
Bumaba ang tingin ni Joan sa mga labi ni Tory.
"Hubarin ko na po ba talaga 'to? Kasi kung oo, siguraduhin niyong handa kayo sa makikita niyo. Baka imbes na evil ang maramdaman niyo, maging heaven ang punta niyo."
Padabog na binitiwan ni Tory si Joan, hinihingal sa inis at frustration. Sa buong buhay niya bilang hari ng underworld, ngayon lang siya nakatagpo ng babaeng ginawang joke ang banta niya ng kamatayan.
"Get out!" sigaw ni Tory. "Magpalit ka ng damit! At siguraduhin mong hindi kita makikita sa loob ng isang oras bago pa kita tuluyang itumba sa kama ko!"
Naiwan si Tory na mag-isa, nakatitig sa pintong isinara ni Joan. Napatingin siya sa kamay niyang nanginginig pa rin. Hindi niya alam kung dahil ba sa galit... o dahil sa pagnanasang angkinin ang maid na pumasok sa buhay niya.
