Tulala si Thea sa kotse. Pabalik sila ni Calvin ngayon sa bahay ng mga magulang. Hindi na kasi niya kinaya ang mga nangyari sa pamilya niya and she broke down. Walang tigil siyang ang-iiyak kanina sa ospital dahil sa sinabi ni Calvin.
Posibleng may kinalaman ang pananakot sa kanya sa pamamaril sa kapatid niya. Muling tumulo ang mga luha niya. Hindi na siya nag-abala pang punasan iyon, ni hindi nga siya kumilos at tahimik na umiyak.
Sinisisi niya ang sarili dahil sa nangyari sa kuya David niya. Sinisisi niya ang sarili dahil muntik nang mawalan ng asawa si Michelle. Sinisisi niya ang sarili niya dahil muntik nang maulila sa ama ang mga pamangkin niya. Sinisisi niya ang sarili dahil muntik nang mawalan ng anak ang mga magulang nila.
Hindi na niya nagawa pang magpaalam sa kapatid na nasa O
