MERA INTEQAM - TUM SE SHURU`

CHAPTER 1: NIKAH ZANJEER` - Baarish zameen pe aag ki tarah gir rahi thi. *Islamabad* ki is raat me Margalla ki pahariyon se thandi hawa aa rahi thi. Bijli bhi dar kar chamak rahi thi. Andar ek kamra. Laal dupatte me lipti hui *Noor*. 18 saal ki. Chehre par na makeup tha na muskurahat. Sirf aankhon me be-basi. Uski kalaiyan kaanp rahi thi. Samne qazi betha tha. Quran khula hua. Aur uske barabar me... *Ahmad Khan.* Kaali sherwani. 25 saal. 6 foot. Chehre ke daayein taraf ek purana zakhm. Aankhen baraf jaisi. Shehar ka mafia baadshah. Jiske naam se Islamabad ki siyasat bhi kaanpti hai. "Qabool hai?" Qazi ki awaaz goonji. Noor ka gala sookh gaya. Uske abba ki awaaz kaan me goonji: _"Beti, agar inkaar kiya to ye log humein zinda nahi chhorenge."_ Usne aankh band ki aur dheemi awaaz me kaha: "Qabool hai." Ahmad ne sar tak nahi uthaya. Uske honton par ek terhi hansi aayi. Sard, be-rooh awaaz me bola: "Qabool hai." Nikah nama par dastakhat hue. Koi mubarak baad nahi. Koi mithai nahi. Sirf khamoshi. Aur nafrat. Nikah khatam hote hi Ahmad uth khara hua. Jaate jaate darwaze par ruk kar peeche dekha. Noor abhi bhi sar jhukaye bethi thi. Usne sirf 1 jumla bola: *"Yaad rakhna Noor. Ye rishta mohabbat ka nahi hai. Ye mera inteqam hai."* Darwaza band hone ki awaaz se Noor ka dil bhi toot gaya. Baarish tez ho gayi. Aur Noor... dulhan se qaid ban gayi. --- *END OF CHAPTER 1* --- To be continue... 2.......