CEBU CITY, PHILIPPINES
Tumulak na nga sa Cebu si Brent dahil hindi makakauwi ang kanyang ina para sa grand opening ng ipinatayo nitong business kasama ang kanyang ninang. Matindi ang bagyo sa Hong Kong at baka sa susunod na linggo pa payagan na magkaroon ng international flight.
Napapangangang iginala ni Brent ang tingin sa paligid. Talagang maganda ang Cebu. Hindi iisipin ninuman na isa itong probinsya. Maganda at malinis. Maraming puntahan. Parang nasa Maynila rin siya. Idagdag pang maraming tourist spot.
“Manang, pa-order nga ho ng isang pochero at isang order ng siomai. Pasunod na rin po ang halo-halo pagkatapos,” aniya sa tindera. Nasa isa siyang kainan sa Cebu, marami ring kumakain doon ngayon. Ang sabi kasi ng isang staff kanina, ito ang mga pagkaing delicacies ng Cebu kaya nam
