2 YEARS AFTER, CEBU PHILIPPINES
"Hoy, Miranda! Nasaan na ang bayad mo sa upa? Ano, sa susunod na buwan na nanaman? Aba, eh ako napapagod na sa kakasingil sayo ah? Lintek na...! Oh eh basta bayaran mo na ako ah! Sumasakit ang ulo ko sa'yong babae ka!" nanggigigil na sabi ni Aling Pacing kay Miranda.
"Eto talagang matandang 'to pinagpapatulan pa si Miranda eh alam na ngang may sakit 'yung babae, kawawa naman!" komento ng isang tenant din doon.
Napangiwi si Miranda at pumasok na muli sa maliit na kwartong inuupahan niya. Wala naman siyang sakit. Pero akala ng mga tao ay may malala siyang karamdaman.
Pero parang ganoon na nga rin kung maituturing. Dahil siya mismo, kahit sa sarili niya ay hindi niya kilala. Nagising na lamang siya isang araw na nasa Hospital at ni walang maalala sa nakaraa
