KAUNTING TALAMSIK lang ang napunta kay Roxanne. Sa mga braso niya lang. Ang tinamaan ng husto ay ang pobreng si Brent na ngayon ay basang basa na ang damit ng putik.
Naawa naman si Roxanne kaya inis na tinignan niya ang kotse. “Napakawalang-modo naman n’yang driver na ‘yan! Hindi niya ba nakikita na may tao sa daan! Aba, ano nakikipagkarerahan siya sa daan eh mag-isa lang naman siya?” pikong sabi niya.
Tinignan niya si Brent na ngayon ay kalunos lunos ang itsura. “Ayos ka lang ba, Brent?”
Pinilit nito ngumiti. “Siraulo ata ‘yang driver na ‘yan. Pero oo, okay lang. Malayo naman ito sa bituka,”
Parang narinig yata ng driver ang sinabi ni Brent kahit isang kaimpossiblehan iyon dahil umatras ito at pumantay sakanila. Maya-maya pa’y bumaba ang driver n’yon.
Gustong magpalamon ni Roxanne sa
