HINDI UMAASA si Roxanne na babalik ulit si Brent. Alam niyang karamihan sa mga lalaking taga siyudad ay ganoon ang gawain. Pinapaasa ang mga babae. Dinadala sa matatamis na dila ang pangboboladas ng mga ito.
Kaya naman literal na nagulat siya nang isang araw habang naglalako siya ng kakanin niya ay may tumawag sakaniya. “Roxanne…”
Nanigas ang dalaga dahil kilala niya kung sino ang nagmamay-ari ng boses na ‘yon. Wala sa sariling napalingon siya at nakita niya si Brent. Ano ang ginagawa nito rito?
“B-Brent…?”
“Pasensiya ka na kung ngayon lang ulit kita nadalaw…” humihinging pasensiya na sabi nito.
Natawa siya ng bahaw. “Huwag kang mag-alala. Hindi ako umaasang babalik ka. Kung hindi mo nga ako tinawag nalimutan kong nangako ka,” totoong sabi niya.
Nakita niya ang sakit na bumalatay sa
