"Dona, I am fvcking telling you—"
"Hoy! Ano ka ba?!" Dinuro siya ni Dona ng hawak nitong tinidor. "Huwag ka ngang magmura. Nasa canteen tayo. Ang dami-daming bata rito o. Baka marinig ka nila," mahina ngunit may diin na saway nito sa kaniya bago nagpatuloy sa pagnguya. Matalim ang tingin nito, at kung kutsilyo lamang iyon, baka kanina pa siya nasaksak. Ayaw na ayaw kasi nito na magmumura sa harapan ng mga bata.
Natigilan din naman siya nang ma-realized ang pagmumura, at napabuntong-hininga pagkatapos. Tila saglit niyang nakalimutan na isa siyang guro at kasalukuyang nasa kumpol ng mga kumakaing estudyante. Hindi na kasi talaga siya mapakali at kailangan may mapaglabasan ng frustration. Kapag hindi pa niya iyon nagawa ngayon, baka mabaliw siya.
"Ano ba kasi ang problema mo?" Maya-maya ay
