"Ang laki ng pinagbago ng Pinas," sabi ni Mama habang naglalakad kami dito sa loob ng mall. Apat na oras din kaming naglibot-libot bago kami nagpasya na mananghalian dito sa isang mall.
Dito na din kami magkikita-kita nina Ally at Yunnie. Plano naming magpa-spa after lunch. Isang linggo na mula nang makauwi kami ng Pinas. Nabuburyong na kami sa bahay dahil hindi pa kami pinapayagang magtrabaho ng aming mga asawa.
"Kaya nga, Mama. Gala ulit tayo bukas," aya ko sa kaniya. Mayroon akong five to six hours ng "Me Time" sa bawat araw.
Nag-school na ang tatlong mga bata. Puwede ko namang iwan si Shreya kay Mommy. Akala ata niya manika ang apo niya na makailang beses niyang binibihisan sa isang araw.
Tuwang-tuwa siya sa babaeng apo, kaya lagi niya akong tinataboy na gumala. Mag-enjoy daw a
