Parang inagahan talaga ni Daddy ang pagpunta dito para lang makipag-unahan sa pag-aasikaso sa pagkain ni Mama.
Magkatabi sila ng upuan ngayon. Katabi ko naman ang mag-aama ko.
Panay naman ang tikhim ni Ally. Itong babaeng ito talaga, pang-asar kahit kailan. Napansin ni Mama ang ginagawa niya kaya naiilang tuloy ito.
Masamang tiningnan ni Daddy si Ally pero tinawanan niya lang ito.
"Ang guwapo mo ngayon, Daddy," sabi niya habang nagtataas-baba ang kaniyang mga kilay.
"Sobrang bango mo pa."
"Ally..." Matalim ang mga mata ni Daddy na nakapukol sa mapang-asar kong kapatid.
"What? Sinasabi ko lang naman. At ayaw mong pinupuri kita?"
"Kumain ka na..."
"Kumain ka lang, balae..."
Nahihiya si Mama pero buti na lang at super friendly ang aking mga in-laws. Hindi din ako gaanong mag-a
