Kahit sinabi ko na napatawad ko na siya, hindi pa din siya tumitigil sa paghingi ng tawad sa akin. Yakap ko siya at ramdam ko ang panghihina ng kaniyang nanginginig na katawan.
Ramdam ko din ang pagod niya sa mahahang byahe, kaya hindi na muna ako nagtanong sa kaniya. She needs to rest first.
"Kumain na po ba kayo?" mahina kong tanong. Nakasubsob siya sa aking leeg habang patuloy sa pahikbi.
"Ayaw niyang kumain..." sabi ni Daddy.
"Kumain na muna kayo. Magpapahanda ako ng dinner niyo," sabi ko. Akmang tatayo ako pero ayaw akong bitawan ni Mama.
Tipid akong ngumiti. "Saglit lang po, Mama. Kumain ka po muna bago ka magpahinga." Hinalikan ko ang kaniyang kamay.
"Ako na ang magpapahanda ng pagkain," sabi ni Ally. Lumapit siya sa amin.
Umayos ng upo si Mama pero hindi pa din niya a
