Hininaan ko ang AC dahil nilalamig na ako. Isang oras na akong nakahubad pero wala pa ding dumadating na Ardent. Ngalay na ngalay na din ako sa puwesto ko kaya tumihaya na muna ako.
Hindi pa ba siya uuwi? Ano ang ginagawa niya sa opisina? Ano'ng oras na.
Tiningnan ko ang phone ko, baka may text siyang dumating pero hindi ko napansin. Kaso wala talaga.
Nilalamig na talaga ako. Magkumot na nga muna ako, dahil baka sipunin na ako.
Isang oras pa ulit ang lumipas. Naiinis na ako at naiinip dahil wala pa din siya.
Matutulog na lang ako. Baka hindi pa iyon uuwi ngayon. Baka sa apartment siya umuwi dahil nagtatampo pa din siya sa akin hanggang ngayon.
Nagising ako nang marinig ko ang lagaslas ng tubig na nagmumula sa banyo. Mabigat pa ang aking mga mata pero pinilit ko itong imulat upa
