Matamlay si Precia paggising niya kinaumagahan. Nang tanungin ko, sagot niya ay hindi lang daw maganda ang gising siya.
Wala naman siyang lagnat.
"Pupunta daw dito ang mga dela Vega sa weekend?"
Napatingin ako sa aking asawa. Alam naman niyang pupunta sila dito.
Nagkatinginan kami. Sabay din kaming napatingin sa aming anak na bahagyang nagliwanag ang mukha.
Natatawa ako. Si Ardent naman ay pailing-iling.
"Really, Mommy?"
"Yes," sabi ko. Nakangiti na ang aming anak.
Sinabayan na muna namin sa pagkain ang tatlong mga bata. Si Shreya ay tulog pa. Gigising na naman siya na hindi kami ang una niyang makikita. Di bale at babawi na lang kami sa kaniya pag-uwi namin.
Maaga sigurong pumasok sa work si Daddy kaya maaga pa lang ay nandito na si Mama. Nakasunod din sa kaniya sina Germ
