Bumisita si Reigna sa amin at dala niya ang kaniyang panganay na anak at pamangkin. Tuwang-tuwa naman si Precia na kanina lang ay malungkot. Ilang oras na siyang naghihintay kay Germaine pero hindi pa din ito dumadating. Busy siguro ang kaniyang Daddy kaya hindi sila nakapunta ngayon.
Mabuti at naisipang dumalaw nina Reigna. Masigla na ulit ang aking anak. May mga dalang regalo si Reigna kaya tuwang-tuwa si Precia na buksan isa-isa ang mga ito.
"Nag-abala ka pa," nakangiti kong ani nang iabot niya sa akin ang ibang mga dala niya.
"Napansin ko na naka-heart ka sa mga new items na naka-post sa page ko. Hindi lahat ay h-in-eart mo." Mahina akong natawa.
Oo nga. Iyong mga gusto ko lang na designs ang mga pinusuan ko. Pero plano ko naman sana talagang bumili. After wedding plano kong pum
