"Sasama ako kay Precia bukas," sabi ni Germaine. Kasalukuyan kaming kumakain ng hapunan ngayon. Dito kumain ang pamilya ng kapatid ko at ganoon na din sina Mama at Daddy.
Napatingin sina Roger at Ally sa kanilang anak. Nagkatinginan kami ni Ardent. Si Precia naman ay nagpatuloy sa pagkain na para bang walang narinig.
Kahit paano nag-uusap naman na sila. Balik na sa dati pero bawal pag-usapan ang tungkol sa crushes or kahit mga boys. Iyan ang rule na binigay ni Precia sa kaniyang pinsan.
Nag-aalala daw si Roger, sabi ni Ally sa akin. Iniisip niya na baka matulad si Germaine sa kaniyang ina na maagang nabuntis.
Sabi ko ay huwag silang magsasawang gabayan at pangaralan ito. Normal lang naman ata iyan, I think. Saka iba na ang kabataan ngayon.
Masyado silang vocal sa kanilang nararam
